ԿԱՅՔԻ ՔԱՐՏԵԶ
ԹԵԺ ԳԻԾ
21.10.2019 14:21
Վիճաբանություն՝«Հանրապետական բժշկական կենտրոն» ՓԲԸ-ում
Հոկտեմբերի 19-ին ժամը 23:10-ին «Հանրապետական բժշկական կենտրոն» ՓԲԸ-ից հաղորդում է ստացվել ԱՀ ոստիկանության Ստեփանակերտ քաղաքի վարչություն առ այն, որ հիվանդանոցում վիճաբանություն է ընթանում:
Ոստիկանության ծառայողները պարզել են, որ նույն օրը ժամը 23:00-ի սահմաններում անհետաձգելի բուժօգնության բաժանմունքում վիճաբանություն է առաջացել Ստեփանակերտ քաղաքի բնակիչներ՝1961թ. ծնված Ս. Մ.-ի և 1993թ. ծնված Ս. Գ.-ի միջև, որի ընթացքում հիվանդանոցի անվտանգության ծառայող՝ մայրաքաղաքի բնակիչ, 1973թ. ծնված Ա. Գ.-ի միջամտության հետևանքով վերածվել է վեճակռվի, ինչի ընթացքում Ս. Գ.-ն ու Ա. Գ.-ն փոխադարձ հարվածներ են հասցրել միմյանց, ինչի արդյունքում Ա. Գ.-ն ստացած գլխի քունքային շրջանի սալջարդ վնասվածքով նույն օրը ժամը 23:40-ին բուժօգնություն է ստացել նշված հիվանդանոցում:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը:
