10.12.2021 19:37
Ոստիկանության փոխգնդապետ Գագիկ Պետրոսյանը այսօր կդառնար 39 տարեկան
ԱՀ ՆԳ նախարարության ոստիկանության մի խումբ ծառայողներ՝ շտաբի պետ Արմեն Մովսիսյանի, ՔՀՎ պետ Արայիկ Գասպարյանի, ՀՀ-ում ԱՀ ոստիկանության ներկայացուցիչ Արթուր Հովհաննիսյանի գլխավորությամբ, երեկ՝ դեկտեմբերի 10-ին, ծննդյան օրվա կապակցությամբ այցելել են Երևանի «Եռաբլուր» զինվորական պանթեոն, հարգանքի տուրք մատուցել ոստիկանության փոխգնդապետ Գագիկ Պետրոսյանի հիշատակին:
Հերոսը կդառնար 39 տարեկան:
Գագիկը ծնվել է 1982 թվականի դեկտեմբերի 10-ին՝ Ասկերանի շրջանի Ավետարանոց գյուղում:
2008 թվականին ծառայության է ընդունվել ԱՀ ոստիկանության համակարգում:
2020-ին նշանակվել է տնտեսական և կոռուպցիոն հանցագործությունների դեմ պայքարի վարչության՝ կոռուպցիոն հանցագործությունների դեմ պայքարի բաժնի պետի պաշտոնին։
Սեպտեմբերի 27-ից՝ ոստիկանության համահավաք գումարտակի անձնակազմի հետ մասնակցել է հայրենիքի պաշտպանության համար մղված թեժ մարտերին:
Զոհվել է 2020թ.հոկտեմբերի 28-ին՝ Ասկերանի վերին ենթաշրջանում, հայրենի Ավետարանոց գյուղի պաշտպանության համար մղված թեժ մարտերի ընթացքում՝ դիպուկահարի կրակոցից:
ԱՀ Նախագահի հրամանագրով հետմահու պարգևատրվել է «Արիություն» մեդալով: