11.10.2022 11:31
ՆԳՆ ոստիկանությունն ամփոփում է անցած շաբաթը. 03.10.2022-10.10.2022թթ.
Ըստ ոստիկանության կենտրոնական և տարածքային ստորաբաժանումների Հերթապահ մասերում ստացված հաղորդումների վերլուծության, 2022 թվականի հոկտեմբերի 3-ից 10-ն ընկած ժամանակահատվածում՝ նախորդ շաբաթվա համեմատ, նվազել է հանցագործությունների և իրավախախտումների դեպքերը:
Ստացված 53 հաղորդումներից 34-ը՝ հանցագործությունների վերաբերյալ է: Դրանցից 33-ն արդեն բացահայտվել է:
Գրանցվել է անձնական ունեցվածքի գողության և գույքի դիտավորությամբ ոչնչացման մեկական դեպքեր, ևս 2-ը՝ վիճաբանությունների ու դրանց հետևանքով միմյանց մարմնական վնասվածքներ պատճառելու վերաբերյալ հաղորդումներ են: Մեկ շաբաթվա ընթացքում գրանցվել և բացահայտվել է խարդախություն բնութագրմամբ 3 հաղորդում:
Արձանագրվել է ապօրինի ծառահատման 4 դեպք:
Շաբաթվա ընթացքում բացահայտվել է նախկինում կատարված 1 հանցագործություն:
Քրեական հետախուզության վարչության և տարածքային ստորաբաժանումների ծառայողների համատեղ իրականացրած օպերատիվ հետախուզական միջոցառումների արդյունքում բացահայտվել է շրջանառությունն արգելված թմրամիջոցների 6 դեպք:
Բնակչության հետ տարված պրոֆիլակտիկ-բացատրական աշխատանքների արդյունքում՝ տարբեր տեսակի ու տրամաչափի ռազմամթերք կամովին հանձելու նպատակով ոստիկանություն է դիմել 4 քաղաքացի:
Ճանապարհային ոստիկանության օպերատիվ կառավարման կենտրոնում գրանցված հաղորդումների տվյալներով, նախորդ շաբաթվա համեմատ աճել է ճանապարհատրանսպորտային պատահարները:
Հաշվետու ժամանակահատվածում գրանցվել է ճանապարհատրանսպորտային 23 պատահար, որից 16-ը՝ նյութական վնասով, 7-ը՝ մարմնական: Տրանսպորտային պատահարներից բուժհաստատություն է դիմել 13 քաղաքացի:
Ճանապարհապարեկային ծառայողների կողմից բացահայտվել է առանց վարորդական վկայականի տրանսպորտային միջոց շահագործելու 32 դեպք, 9 վարորդ եղել է անսթափ վիճակում, 194-ը՝ գերազանցել է սահմանված արագությունը:
Հանցագործությունների բացահայտման և դրանց կանխարգելման միջոցառումներին զուգահեռ՝ ոստիկանության ծառայողներն Արցախի Հանրապետության տարածքում ապահովում են կայուն հասարակական կարգ ու կանոն: