Ճանապարհատրանսպորտային պատահարներ

Մարտի 28-ին «Հանրապետական բժշկական կենտրոն» ՓԲԸ-ից ոստիկանության Ստեփանակերտի քաղվարչությունում հաղորդում է ստացվել այն մասին, որ աջ ականջախեցու պատռված վերքով իրենց մոտ է տեղափոխվել Մարտունու շրջանի Նոր շեն գյուղի բնակիչ, 1987թ. ծնված Ի. Վ-ն:

Պարզվել է, որ նույն օրը՝ ժամը 21:50-ի սահմաններում, Կամոյի և Սարոյան փողոցների խաչմերուկում Ի. Վ-ի վարած «ՎԱԶ-2103» մակնիշի ավտոմեքենան բախվել է Սարոյան փողոցի թիվ 1 շենքի N բնակարանի բնակիչ, 1995թ. ծնված Յու. Ա-ի վարած «Միցուբիշի Պաջեռո» մակնիշի ավտոմեքենային, ինչի հետևանքով Ի. Վ-ն ստացած վնասվածքով տեղափոխվել է հիվանդանոց:

*****

Մարտի 29-ին՝ ժամը 10:40-ի սահմաններում, ՀՀ Արարատ մարզի Արտաշատ քաղաքի Խարազյան փողոցի թիվ 26 շենքի N բնակարանի բնակիչ, 1987թ. ծնված Գ. Վ-ն, վարելով իրեն պատկանող «Մերսեդես-Բենց» մակնիշի ավտոմեքենան, Շուշի-Ստեփանակերտ ավտոճանապարհի 5-րդ կիլոմետրին դուրս է եկել երթևեկելի մասից և բախվել ժայռին, ինչի հետևանքով ինքը և ուղևոր` Ստեփանակերտ քաղաքի Հ. Շիրազի փողոցի N տան բնակիչ, 1989թ. ծնված Ս. Ա-ն ստացած մարմնական վնասվածքներով տեղափոխվել են «Հանրապետական բժշկական կենտրոն» ՓԲԸ:

*****

Մարտի 29-ին՝ ժամը 10:30-ի սահմաններում, Քաշաթաղի շրջանի Մշենի գյուղի բնակիչ, 1962թ. ծնված Մ. Ա-ն, վարելով «ՈՒԱԶ-452» ավտոմեքենան, Սոնասար-Բերձոր 14-րդ կիլոմետրին դուրս է եկել ճանապարհի երթևեկելի մասից և կողաշրջվել, ինչի հետևանքով ուղևորներ` համագյուղացիներ, 1988թ. ծնված Վ. Բ-ն և 1959թ. ծնված Ա. Ս-ն ստացած մարմնական վնասվածքներով տեղափոխվել են շրջբուժմիավորում:

*****

Մարտի 29-ին՝ ժամը 15:00-ի սահմաններում, Ասկերան քաղաքի Արցախյան փողոցի N տան բնակիչ, 1953թ. ծնված Ս. Գ-ն, վարելով իրեն պատկանող «Մերսեդես» մակնիշի ավտոմեքենան, Գորիս-Բերձոր 44-րդ կիլոմետրին բախվել է Քաշաթաղի շրջանի Գիհուտ գյուղի բնակիչ, 1981թ. ծնված Ա. Կ-ի վարած «ԳԱԶ-52» մակնիշի ավտոմեքենային, ինչի հետևանքով «Մերսեդես»-ի ուղևորներ` Մարտունու շրջանի Աշան գյուղի բնակիչներ, 2000թ. ծնված Ա. Ս-ն, 1997թ. ծնված Օ. Վ-ն, 2000թ. ծնված Ա. Վ-ն և 2000թ. ծնված Ն. Գ-ն ստացած մարմնական վնասվածքներով տեղափոխվել են շրջբուժմիավորում: