ԿԱՅՔԻ ՔԱՐՏԵԶ
ԹԵԺ ԳԻԾ
18.02.2020 13:55
Ծախսելով 2200 ԱՄՆ դոլլար՝ վաստակելու է 26.000 ԱՄՆ դոլլար. քաղաքացին խաբեության զոհ է դարձել
Փետրվարի 15-ին ԱՀ ոստիկանության պետի աշխատակազմից ԱՀ ոստիկանության Ստեփանակերտ քաղաքի վարչություն է մուտքագրվել Ստեփանակերտ քաղաքի բնակիչ, 1964թ.ծնված Ա. Ե.-ի դիմումն առ այն, որ «@MAIL» սոցիալական ցանցով իր հետ կապվել են անհայտ անձինք ու ասել, որ կարող է գնել «Բիտքոին» և որոշ ժամանակ անց այն փոխարինել դոլլարով: Բանավոր համաձայնություն ստանալուց և որոշակի փաստաթղթեր ուղարկելուց հետո իրեն ուղարկվել է «Էկսպոբանկ ՌՖ» ՓԲԸ կլոր կնիքով կնքված պայմանագիր, ըստ որի ինքը ծախսելով 2200 ԱՄՆ դոլլար, վաստակելու է 26.000 ԱՄՆ դոլլար: «Օբմեննիկ» կոչվող օնլայն համակարգի միջոցով նշված գումարը ուղարկել է հասցեատերերին,սակայն նախատեսված պայմանները չեն իրականացվել՝ այդ կերպ, խաբեությամբ և վստահությունը չարաշահելով Ա. Ե.-ին պատճառվել է խոշոր չափերի հասնող գույքային վնաս:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը: