ԿԱՅՔԻ ՔԱՐՏԵԶ
ԹԵԺ ԳԻԾ
03.06.2014 15:13
ԽՈՐՀՐԴԱԿՑՈՒԹՅՈՒՆ՝ ԼՂՀ ՈՍՏԻԿԱՆՈՒԹՅԱՆ ՊԵՏԻ ՄՈՏ
Սույն թվականի հունիսի 3-ին ԼՂՀ ոստիկանությունում տեղի ունեցած խորհրդակցությունը նվիրված էր 2014 թվականի մայիսի 19-ից 29-ն ընկած ժամանակահատվածում Լեռնային Ղարաբաղի Հանրապետության ոստիկանության կենտրոնական ապարատի կողմից ոստիկանության տարածքային ստորաբաժանումների քրեական հետախուզության ծառայություններում անցկացված հսկողական ստուգումների արդյունքների քննարկմանը:
Խորհրդակցությունը վարում էր ԼՂՀ ոստիկանության պետ, գեներալ-մայոր Կամո Աղաջանյանը:
Մասնակցում էին ԼՂՀ ոստիկանության պետի տեղակալ-շտաբի պետ, ոստիկանության գնդապետ Բորիս Ենգիբարյանը և քրեական հետախուզության ծառայողները:
Հիմնական զեկույցով հանդես եկավ ԼՂՀ ոստիկանության քրեական հետախուզության վարչության պետ, ոստիկանության փոխգնդապետ Սամվել Շահրամանյանը:
Վերլուծելով ոստիկանության տարածքային ստորաբաժանումների քրեական հետախուզության ծառայողների գործունեության ցուցանիշները` ոստիկանության պետը յուրաքանչյուրին տվեց կոնկրետ գնահատական: Ծառայողական պարտականությունների բարեխիղճ կատարման համար որոշ ծառայողներ խրախուսվեցին, իսկ գործունեության մեջ թերացած մի շարք ծառայողներ ենթարկվեցին կարգապահական պատաասխանատվության: