ԿԱՅՔԻ ՔԱՐՏԵԶ
ԹԵԺ ԳԻԾ
11.10.2018 19:18
Խաղաղության ընթացքում իրավապահ, իսկ պատերազմի դեպքում՝ նաև սահմանապահ։ Արցախի Հանրապետության ոստիկանության պետի հանդիպումը ոստիկանության Շուշիի շրջանային բաժնի ծառայողների հետ
Սույն թվականի հոկտեմբերի 11-ին ԱՀ ոստիկանության պետ٫ ոստիկանության գնդապետ Իգոր Գրիգորյանը այցելեց ոստիկանության Շուշիի շրջանային բաժին։
Հանդիպելով ոստիկանության Շուշիի շրջանային բաժնի անձնակազմի հետ٫ ոստիկանության պետը առաջարկեց անկաշկանդ մթնոլորտում քննարկել ծառայության արդյունավետության էլ ավելի բարձրացման ուղիները։ Մի շարք ստորաբաժանումների պատասխանատուների զեկույցների վերաբերյալ քննարկումներ անցկացնելուց հետո, ոստիկանության պետը հանձնարարեց որակական ավելի բարձր հարթություն տեղափոխել հասարակությանը մատուցվող ծառայությունները՝ հարգալից և հոգատար վերաբերմունք դրսևորելով յուրաքանչյուր քաղաքացու նկատմամբ։
-Տեխնիկական միջոցների ներդրմամբ մենք պարզեցրել ենք քաղաքացիներին մատուցվող ծառայությունները ու ներկայումս շրջանի բնակիչները անհրաժեշտություն չունեն համապատասխան փաստաթուղթ ստանալու համար ներկայանալ մայրաքաղաք, սակայն դա առոչինչ է, եթե ոստիկանության ծառայողը չկարողանա համահունչ քայլել ժամանակի պահանջներով և ձևավորել պետությանն ու հասարակությանը նվիրյալ ոստիկանի կերպար։
Խաղաղության ընթացքում իրավապահ, իսկ պատերազմի դեպքում՝ նաև սահմանապահ. ահա Արցախի Հանրապետության ոստիկանի կոչումն ու առաքելությունը,- նշեց ոստիկանության պետը։