ԿԱՅՔԻ ՔԱՐՏԵԶ
ԹԵԺ ԳԻԾ
27.08.2015 16:12
Գողություն՝ անմարդաբնակ տան բակից և խանութի դրամարկղից
Օգոստոսի 26-ին ոստիկանության Շուշիի շրջբաժնի ծառայողների կողմից ստացված տվյալների ստուգմամբ պարզվել է, որ Շուշի քաղաքի Տմբլաչի Խաչանի փողոցի N տան բնակիչ, 1984թ. ծնված Ա. Մ-ն, 2013թ. ամռանը ապօրինի մուտք է գործել Ստեփանակերտ քաղաքի Իսակովի փողոցի թիվ 7 շենքի N բնակարանի բնակիչ, 1984թ. ծնված Ա. Ի-ին պատկանող Շուշի քաղաքի Մուսայելյան փողոցի թիվ 7 հասցեում գտնվող չբնակեցված տան բակ և գողացել 2 ինքնաեռ, 2 պղնձե կաթսա և 25 հատ 80 սմ երկարությամբ պղնձե խողովակներ:
* * *
Օգոստոսի 26-ին ոստիկանության Մարտունու շրջբաժնի ծառայողների կողմից ստացված տվյալների ստուգմամբ պարզվել է, որ օգոստոսի 17-ին, ժամը 19:30-ի սահմաններում, Մարտունի քաղաքի Կոմիտասի փողոցի N տան բնակիչ, 1991թ. ծնված Ս. Ա-ն, օգտվելով «Հ.Ստեփանյան» ԱՁ խանութի գործակատար, նույն քաղաքի Նժդեհի փողոցի N տան բնակիչ, 1973թ. ծնված Ս. Ս-ի անուշադրությունից, նշված խանութի դրամարկղից գողացել է 5.000 դրամ և 1.000 դրամ արժողությամբ լիցքավորման մեկ քարտ:
