ԿԱՅՔԻ ՔԱՐՏԵԶ
ԹԵԺ ԳԻԾ
Գողոնը հայտնաբերվել է «ՎԱԶ-2121» -ի սրահում
Ապրիլի 20-ին Հադրութի շրջանի Ձորագյուղ գյուղի բնակիչ 1981թ. ծնված Ա. Մ-ն, ոստիկանության շրջբաժին է դիմել այն մասին, որ նույն օրը ժամը 17:30-ից 19:00-ն ընկած ժամանակահատվածում անհայտ անձինք իր տնից գողացել են 5 կտոր ոսկյա զարդեր:
ԼՂՀ ոստիկանության Հադրութի շրջբաժնի և Ճանապարհային ոստիկանության ծառայողների համատեղ ձեռնարկված միջոցառումների արդյունքում նշված գողությունը կատարելու կասկածանքով ոստիկանության Հարդրութի շրջբաժին բերման են ենթարկվել ՀՀ Կոտայքի մարզի Եղվարդ քաղաքի բնակիչ՝ 1982թ, ծնված Հ. Հ-ն, նրա վարած «ՎԱԶ-2121» ավտոմեքենան և ուղևորներ` ՀՀ Սյունիքի մարզի Կոռնիձոր գյուղի բնակիչ 1982թ. ծնված Ա. Օ-ն և Եղվարդ քաղաքի բնակիչ՝ 1983թ. ծնված Լ. Գ-ն:
Ավտոմեքենայի սրահի զննությամբ, ձեռքի արգելակի բռնակի տակ հայտնաբերվել և առգրավվել են վերը նշված ոսկյա զարդերը` որոնք հափշտակել էր Լ. Գևորգյանը:
