ԿԱՅՔԻ ՔԱՐՏԵԶ
ԹԵԺ ԳԻԾ
06.10.2015 16:32
Բացահայտվել է գողության վեց դեպք
Հոկտեմբերի 5-ին ԼՂՀ ոստիկանության Քրեական հետախուզության վարչության և Ստեփանակերտի քաղվարչության ծառայողների կողմից Շուշի քաղաքի Մուսայելյան փողոցի N տան բնակիչ, 1989թ. ծնված Ռ. Բ-ի (նախկինում դատված) շուրջ ձեռնարկված միջոցառումների արդյունքում պարզվել է, որ վերջինս.
- ս.թ. սեպտեմբերի 26-ին, ժամը 22:00-ի սահմաններում, չկողպված դռնով մուտք է գործել Ստեփանակերտ քաղաքի Փաշաևի փողոցի N տան բնակչուհի, 1966թ. ծնված Է. Մ-ին պատկանող տուն և գողացել 3.100 դրամ, 200 եվրո և մոտ 7 գր. ոսկյա վզնոց՝ իր կուլոնով,
- հոկտեմբերի 2-ին, ժամը 01:00-ի սահմաններում, Հ. Հակոբյան և Վ. Մամիկոնյան փողոցների խաչմերուկում կայանված՝ Ռուբենի փողոցի N տան բնակիչ, 1989թ. ծնված Վ. Ն-ին պատկանող «Օպել Վեկտրա Բ» մակնիշի ավտոմեքենայի սրահից գողացել է 2 հատ 2 գբ. էլեկտրոնային կրիչ և 1 հիշեցման քարտ` փոխանցիչով,
- հոկտեմբերի 3-ին, ժամը 01:00-ի սահմաններում, Նաբերեժնայա փողոցի թիվ N տան մոտ կայանված` 1990թ. ծնված Լ. Հ-ին (բն. է նույն հասցեում) պատկանող «ՎԱԶ-21011» ավտոմեքենայի սրահից գողացել է 8 գբ. էլեկտրոնային կրիչ,
- հոկտեմբերի 3-ին, ժամը 05:00-ի սահմաններում, Նաբերեժնայա փողոցի 1-ին նրբանցքի թիվ N տան մոտ կայանված` 1980թ. ծնված Ա. Ն-ին (բն. է նշված հասցեում) պատկանող «Օպել Աստրա Ջի» և «ԳԱԶ-2410» ավտոմեքենաների սրահներից գողացել է 100 ԱՄՆ դոլար, 10.000 դրամ և մեկ ակնոց,
- հոկտեմբերի 3-ից մինչև 4-ն ընկած ժամանակահատվածում, Մարտունու փողոցի թիվ N տան մոտ կայանված` Հեքիմյան փողոցի թիվ 12 շենքի N բնակարանի բնակիչ, 1975թ. ծնված Է. Ս-ին պատկանող «Միցուբիշի Աութլանդեր» մակնիշի ավտոմեքենայի սրահից գողացել է 30.000 դրամ գումար,
- հոկտեմբերի 4-ին, ժամը 01:00-ի սահմաններում, Նաբերեժնայա փողոցի թիվ Nտան մոտ կայանված՝ 1986թ. ծնված Ջ. Ա-ին (բն. է նշված հասցեում) ամրակցված «ՎԱԶ-2121» ավտոմեքենայի սրահից գողացել է «Սամսունգ» մոդելի ֆոտոխցիկ և երկու տուփ «MT» տեսակի ծխախոտ:
Գողոնը մասամբ առգրավված է:
