ԿԱՅՔԻ ՔԱՐՏԵԶ
ԹԵԺ ԳԻԾ
04.07.2015 12:45
Բացահայտվել են գողության դեպքեր
Հուլիսի 3-ին ոստիկանության Ասկերանի շրջբաժնի ՔՀԲ ծառայողների կողմից Վարդաձոր գյուղի բնակիչ, 1966թ. ծնված Ա. Ս-ի շուրջ տարված աշխատանքների արդյունքում պարզվել է, որ Ա. Ս-ն հուլիսի 1-ին՝ ժամը 03:30-ի սահմաններում, ցանկապատի վրայով մուտք է գործել համագյուղացի, 1990թ. ծնված Ա. Ս-ի կողմից հսկվող` նույն գյուղում գտնվող անմարդաբնակ տան բակ և հավաբնից գողացել վերջինիս պատկանող 5 թև հավերը:
Գողոնն առգրավված է:
****
Հուլիսի 3-ին Մարտակերտի շրջանի Վանք գյուղի բնակչուհի, 1933թ. ծնված Լ. Ա-ն ոստիկանության շրջբաժին է դիմել այն մասին, որ հունիսի 29-ի ժամը 20:00-ից մինչև 30-ի ժամը 07:00-ն ընկած ժամանակահատվածում անհայտ անձը իրենց տան բակից գողացել է 2 հատ պղնձե տարա՝ պատճառելով 25.000 դրամի նյութական վնաս:
****
Հուլիսի 3-ին Շուշի քաղաքի Վարարակն փողոցի N տան բնակիչ, 1968թ. ծնված Գ. Ա-ն ոստիկանության շրջբաժին է դիմել այն մասին, որ անհայտ անձինք իրեն պատկանող` Ազատամարտիկների թիվ 3 հասցեում տեղակայված սրճարանին կից շինությունից գողացել են միջին չափերի հեծանիվ:
Ձեռնարկված միջոցառումների շնորհիվ պարզվել է, որ նշված հանցագործությունը հուլիսի 2-ին՝ ժամը 23:00-ի սահմաններում, կատարել են Վարանդա փողոցի N տան բնակիչ, 2005թ. ծնված Մ. Հ-ն և 2003թ. ծնված Կ. Ի-ն:
Գողոնն առգրավված է:
****
Գողություն կատարելու կասկածանքով ձերբակալված Մարտակերտի շրջանի Չլդրան գյուղի բնակիչ, 1988թ. ծնված Վ. Ս-ի շուրջ տարված աշխատանքների արդյունքում պարզվել է, որ վերջինս ս.թ. մայիս ամսվա վերջերին, «Բեյզ Մեթըլս» ՓԲ ընկերությանը պատկանող ավտոբուսից գողացել է 50.000 դրամ: