ԿԱՅՔԻ ՔԱՐՏԵԶ
ԹԵԺ ԳԻԾ
15.07.2019 12:08
ԱՅՍ ԱՆԳԱՄ ԱՐԴԵՆ ՔՐԵԱԿԱՆ ՊԱՏԱՍԽԱՆԱՏՎՈՒԹՅՈՒՆ
ԶՐԿՎԱԾ ԼԻՆԵԼՈՎ ՏՐԱՆՍՊՈՐՏԱՅԻՆ ՄԻՋՈՑ ՎԱՐԵԼՈՒ ԻՐԱՎՈՒՆՔԻՑ՝ՄԵԿ ՏԱՐՎԱ ԸՆԹԱՑՔՈՒՄ ԿՐԿԻՆ ԱՆԳԱՄ ՎԱՐԵԼ Է ԱՅՆ
Ս.թ.հուլիսի 13-ին ԱՀ ոստիկանության ճանապարհային ոստիկանության ծառայողը զեկուցագիր է ներկայացրել ԱՀ ոստիկանության Մարտունու շրջանային բաժին առ այն, որ ս.թ. հուլիսի 8-ին ժամը 12:50-ի սահմաններում ծառայողական պարտականություններն իրականացնելիս Մարտունի քաղաքի Ազատամարտիկների փողոցում կանգնեցրել է Մարտունի քաղաքի բնակիչ, 1997թ.ծնված Խ. Հ-ի վարած «ԳԱԶ-24» մակնիշի ավտոմեքենան։ Ավտոմեքենայի փաստաթղթերի ստուգմամբ պարզվել է, որ վերջինս 2018թ. հոկտեմբերի 30-ից զրկված լինելով տրանսպորտային միջոց վարելու իրավունքից մեկ տարվա ընթացքում կրկին անգամ այն վարել է:
Ստուգմամբ զբաղվում է ԱՀ ոստիկանության քննչական վարչությունը:
Հիշեցնում ենք ԱՀ քրեական օրենսգրքի 254.1 հոդվածով նախատեսված պատասխանատվության մասին, համաձայն հոդվածի 1-ին մասի` տրանսպորտային միջոցներ վարելու իրավունքից զրկված անձի կողմից տրանսպորտային միջոց վարելը` պատժվում է տուգանքով՝ նվազագույն աշխատավարձի երկուհարյուրապատիկից երեքհարյուրապատիկի չափով:
Նույն հոդվածի 2-րդ մասով սահմանվում է, որ տրանսպորտային միջոցներ վարելու իրավունքից զրկված անձի կողմից ոչ սթափ վիճակում տրանսպորտային միջոց վարելը կամ այդ անձի կողմից սթափության վիճակի զննություն անցնելուց հրաժարվելը կամ խուսափելը` պատժվում է տուգանքով՝ նվազագույն աշխատավարձի երեքհարյուրապատիկից հինգհարյուրապատիկի չափով, կամ ազատազրկմամբ՝ վեց ամսից մեկ տարի ժամկետով: