ԿԱՅՔԻ ՔԱՐՏԵԶ
ԹԵԺ ԳԻԾ
30.06.2018 14:31
Օպերատիվ խորհրդակցություն ԱՀ ոստիկանության պետի առաջին տեղակալի մոտ
ԱՀ ոստիկանության ղեկավարության մոտ 2018թ. 1-ին կիսամյակում անցկացվելիք օպերատիվ խորհրդակցությունների պլանի համաձայն՝ սույն թվականի հունիսի 30-ին ոստիկանության պետի առաջին տեղակալ, ոստիկանության գեներալ-մայոր Անդրանիկ Հակոբյանը օպերատիվ խորհրդակցություն անցկացրեց ԱՀ ոստիկանության քրեակատարողական վարչության քրեակատարողական տեսչության ծառայողների հետ:
Խորհրդակցության օրակարգը նվիրված էր ԱՀ ոստիկանության քրեակատարողական վարչության քրեակատարողական տեսչությունում հաշվառման մեջ գտնվող դատապարտյալների նկատմամբ իրականացվող վերահսկողական աշխատանքների վիճակին:
Հիմնական զեկույցով հանդես եկավ ՔԿՎ ՔԿՏ պետ, ոստիկանության փոխգնդապետ Հենրիկ Մաթևոսյանը, ով հանգամանալից ներկայացրեց ՔԿՏ-ում հաշվառված դատապարտյալների նկատմամբ տարվող վերահսկողական աշխատանքների ընթացքը:
ԱՀ ոստիկանության պետի առաջին տեղակալ, ոստիկանության գեներալ-մայոր Անդրանիկ Հակոբյանը, հետախուզման մեջ գտնվող դատապարտյալների հայտնաբերման ուղղությամբ կոնկրետ հանձնարարականներ տվեց ոստիկանության տարածքային ստորաբաժանումների քրեակատարողական տեսչության տեսուչներին, իսկ տեսչության պետից պահանջեց լինել հետևողական՝ ծառայությունը ճիշտ կազմակերպելու և կանոնակարգելու հարցերում: