ԿԱՅՔԻ ՔԱՐՏԵԶ
ԹԵԺ ԳԻԾ
12.06.2015 15:41
Վրաերթի երկու դեպք՝ մայրաքաղաքում
Հունիսի 11-ին՝ ժամը 10:10-ի սահմաններում, Ստեփանակերտ քաղաքի Հ. Շիրազի փողոցի N տան բնակիչ, 1986թ. ծնված Ա. Հ-ն, վարելով «Ֆորդ Տրանզիտ» մակնիշի ավտոմեքենան, Կամոյի փողոցի թիվ 14 շինության մոտ վրաերթի է ենթարկել Ս. Դավթի փողոցի թիվ 52 շենքի N բնակարանի բնակիչ, 2001թ. ծնված Ս. Հ-ին, ինչի հետևանքով վերջինս աջ ոտքի սալջարդ վնասվածք է ստացել:
****
Հունիսի 11-ին «Արևիկ» մանկական բուժմիավորումից ոստիկանության Ստեփանակերտի քաղվարչություն հաղորդում է ստացվել այն մասին, որ ձախ ոտքի սալջարդով իրենց մոտ է տեղափոխվել Վ. Սարգսյան փողոցի թիվ 21 շենքի N բնակարանի բնակիչ, 2004թ. ծնված Ա. Մ-ն:
Պարզվել է, որ նույն օրը՝ ժամը 16:45-ի սահմաններում, Շուշի քաղաքի Պռոշյան փողոցի թիվ 7 շենքի N բնակարանի բնակիչ, 1980թ. ծնված Ա. Ս-ն, վարելով իրեն պատկանող «ՎԱԶ-2109» ավտոմեքենան, Վ. Սարգսյան փողոցի թիվ 22 շենքի դիմացի ճանապարհահատվածում վրաերթի է ենթարկել Ա. Մ-ին: