ԿԱՅՔԻ ՔԱՐՏԵԶ
ԹԵԺ ԳԻԾ
08.06.2020 13:52
Վիճաբանություն՝Ստեփանակերտ քաղաքում
Հունիսի 7-ին ԱՀ ոստիկանության ծառայողները մայրաքաղաքի Վ.Սարգսյան փողոցում տեղակայված «Պարկ Հոթել» հյուրանոցի դիմացից վիճաբանության կասկածանքով ԱՀ ոստիկանության Ստեփանակերտ քաղաքի վարչություն բերման են ենթարկել Ստեփանակերտ քաղաքի բնակիչ, 1990թ. ծնված Ա. Մ.-ին, 1991թ.ծնված Ա. Մ.-ին և Ասկերանի շրջանի բնակիչ, 1991թ.ծնված Ս. Գ.-ին:
ԱՀ ոստիկանության ծառայողը պարզել է, որ նույն օրը ժամը 19:20-ի սահմաններում նշված հյուրանոցի դիմաց վիճաբանություն է առաջացել մի կողմից Ա. Մ.-ի, իսկ մյուս կողմից Ա. Մ.-ի և Ս. Գ.-ի միջև, որի ընթացքում կողմերը փոխադարձ հարվածներ են հասցրել միմյանց, պատճառելով մարմնական վնասվածքներ:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը: