ԿԱՅՔԻ ՔԱՐՏԵԶ
ԹԵԺ ԳԻԾ
16.06.2020 11:36
Վիճաբանություն՝ Մարտակերտի շրջանում
Հունիսի 15-ին ԱՀ ոստիկանության ծառայողները պարզել են, որ հունիսի 14-ին ժամը 22:30-ի սահմաններում Մարտակերտի շրջանի «Կուկլեն Յալ» կոչվող տեղամասում վիճաբանություն է առաջացել Մարտակերտի շրջանի բնակիչ, 1982թ.ծնված Հ. Ս.-ի և Մարտակերտ քաղաքի բնակիչ,1991թ.ծնված Կ. Գ.-ի միջև, ինչի ընթացքում Կ. Գ.-ն ծեծի է ենթարկել Հ. Ս.-ին, այնուհետև վերջինս և Մարտակերտ քաղաքի բնակիչ, 1980թ.ծնված Ն. Բ.-ն ներկայանալով Մարտակերտ քաղաքի Սարիլանջ փողոցում գտնվող տներից մեկը վիճաբանության մեջ են մտել տան բնակիչ,1978թ.ծնված Ա. Ղ.-ի հետ, ինչի ընթացքում Կ. Գ.-ն, Ն. Բ.-ն և Ա.Ղ.-ն փոխադարձ հարվածներ են հասցրել միմյանց:
Կ. Գ.-ն և Ն. Բ.-ն բերման են ենթարկվել ԱՀ ոստիկանության Մարտակերտի շրջանային բաժին:
Նշանակվել է դատաբժշկական փորձաքննություն:
Ստուգմամբ զբաղվում է ԱՀ ոստիկանության Մարտակերտի շրջանային բաժինը: