ԿԱՅՔԻ ՔԱՐՏԵԶ
ԹԵԺ ԳԻԾ
19.03.2020 14:41
Վիճաբանություն՝ մայրաքաղաքում
Մարտի 19-ին, ժամը 02:00-ին ԱՀ ոստիկանության ՃՈ ՕԿԿ-ից հաղորդում է ստացվել ԱՀ ոստիկանության Ստեփանակերտ քաղաքի վարչություն առ այն, որ «Մենք ենք մեր լեռները» հուշահամալիրի մոտակայքում վիճաբանություն է տեղի ունենում:
ԱՀ ոստիկանության ծառայողները պարզել են, որ նույն օրը ժամը 02:00-ի սահմաններում նշված հուշահամալիրի հարակից տարածքում վիճաբանություն է առաջացել մի կողմից մայրաքաղաքի բնակիչներ՝ 1999թ. ծնված Ս. Մ.-ի, իսկ մյուս կողմից 1998թ. ծնված Թ. Ղ.-ի միջև, որի ընթացքում Ս. Մ.-ն բացելով Թ. Ղ.-ին պատկանող «Մերսեդես» մակնիշի ավտոմեքենայի դուռը, հայհոյանքներ է հնչեցրել վերջինիս հասցեին, այնուհետև իր մոտ առկա խոհանոցային դանակով մեկ անգամ հարվածել Թ. Ղ.-ի ձախ ոտքին, պատճառելով մարմնական վնասվածք, ինչից հետո Թ. Ղ.-ն ստացած մարմնական վնասվածքով տեղափոխվել է «Շտապ բուժօգնության կայան», որտեղից էլ՝ «Հանրապետական Բժշկական Կենտրոն»:
Դեպքի վայրի զննությամբ վերցվել է խոհանոցային դանակը և նշանակվել փորձաքննություն:
Ս. Մ.-ն բերման է ենթարկվել ԱՀ ոստիկանության Ստեփանակերտ քաղաքի վարչություն:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը: