ԿԱՅՔԻ ՔԱՐՏԵԶ
ԹԵԺ ԳԻԾ
20.08.2019 12:48
ՎԻՃԱԲԱՆՈՒԹՅՈՒՆ ԲԵՐՁՈՐ ՔԱՂԱՔՈՒՄ
Ս.թ.օգոստոսի 19-ին ԱՀ ոստիկանության Քաշաթաղի շրջանային բաժնի քրեական հետախուզության բաժնի ծառայողը պարզել է, որ նույն օրը, ժամը 16:30-ի սահմաններում Բերձոր քաղաքի 6-րդ թաղամասի 1-ին շենքի մոտակայքում վիճաբանություն է առաջացել Բերձոր քաղաքի բնակիչներ՝ 1976թ.ծնված Հ. Մ-ի և 1974թ.ծնված Ա. Հ-ի միջև, որի ընթացքում Ա.Հ-ն իր մոտ գտնվող ծալովի դանակով ցանկացել է հարվածել Հ. Մ-ի որովայնին, սակայն վերջինս ձախ ձեռքով դանակը մի կողմ է հրել, ինչի հետևանքով ստացել է ձեռքի դաստակային շրջանի քերծվածք, իսկ այնուհետև Հ. Մ-ն հարվածներ է հասցրել Ա. Հ-ին՝ պատճառելով մարմնական վնասվածքներ։
Հ. Մ-ն և Ա. Հ-ն բերման են ենթարկվել ԱՀ ոստիկանության Քաշաթաղի շրջանային բաժին և նրանց տրվել է դատաբժշկի ուղեգրեր:
Ստուգմամբ զբաղվում է ԱՀ ոստիկանության Քաշաթաղի շրջանային բաժինը: