ԿԱՅՔԻ ՔԱՐՏԵԶ
ԹԵԺ ԳԻԾ
08.09.2019 11:42
Վիճաբանության դեպքեր՝ Ստեփանակերտ քաղաքում
Սեպտեմբերի 7-ին ԱՀ ոստիկանության Ստեփանակերտ քաղաքի վարչության ծառայողները պարզել են, որ նույն օրը ժամը 19:00-ի սահմաններում մայրաքաղաքի Մելիքավան փողոցում տեղակայված «Հոսթել Էդուարդ» հյուրանոցի հետևի ճանապարհահատվածում վիճաբանություն է առաջացել մի կողմից Իսրայելի Հանրապետության քաղաքացի, 1974թ. ծնված Ա. Հ-ի, իսկ մյուս կողմից մայրաքաղաքի բնակիչներ, եղբայրներ՝ 1985թ.ծնված Ա. Հ-ի և 1990թ.ծնված Դ. Հ-ի միջև, որի ընթացքում Ա. Հ-ն մի քանի անգամ քարով հարվածել է Ա. Հ-ի գլխին, իսկ Դ. Հ-ն ոտքերով և ձեռքերով հարվածներ է հասցրել Ա. Հ-ի մարմնի տարբեր մասերին՝ պատճառելով մարմնական վնասվածքներ:
Վիճաբանության արդյունքում 1974թ.ծնված Ա.Հ-ն ստացած մարմնական վնասվածքներով դիմել է «Հանրապետական բժշկական կենտրոն»։
Սեպտեմբերի 7-ին ժամը 22:35-ին ԱՀ ոստիկանության Ստեփանակերտ քաղաքի վարչության ծառայողները մայրաքաղաքի Ս.Դավիթ փողոցի թիվ 6 շենքի դիմացից ԱՀ ոստիկանության Ստեփանակերտ քաղաքի վարչություն են բերման ենթարկել Մարտակերտի շրջանի բնակիչներ՝ 1995թ.ծնված Գ. Ջ-ին, 1993թ.ծնված Մ.Ա-ին, 1994թ.ծնված Ս.Ջ-ին,1989թ.ծնված Մ.Ա-ին և Քաշաթաղի շրջանի բնակիչ, 1983թ.ծնված Դ. Ս-ին։
Ոստիկանության ծառայողները պարզել են, որ նույն օրը ժամը 22:30-ին վերջիններիս միջև առաջացած վիճաբանության ընթացքում Գ. Ջ-ն 2 անգամ հարվածել է Դ. Ս-ի մարմնի տարբեր մասերին՝ պատճառելով մարմնական վնասվածք:
Նշանակվել է դատաբժշկական փորձաքննություն:
Ստուգումներով զբաղվում է ԱՀ ոստիկանության Ստեփանակերտ քաղաքի վարչությունը:
