ԿԱՅՔԻ ՔԱՐՏԵԶ
ԹԵԺ ԳԻԾ
25.09.2019 12:32
Վիճաբանության արդյունքում միմյանց հարվածներ են հասցրել
Սեպտեմբերի 23-ին Քաշաթաղի շրջանի բնակչուհի,1959թ.ծնված Թ. Մ.-ն հեռախոսով հաղորդել է ԱՀ ոստիկանության Քաշաթաղի շրջանային բաժին առ այն, որ նույն շրջանի բնակչուհի,1982թ.ծնված Ս. Գ.-ն անհիմն պատճառներով իր հասցեին վիրավորական արտահայտություններ է կատարել և կոտրել իր տան պատուհանի ապակին։
Ոստիկանության ծառայողները պարզել են, որ սեպտեմբերի 23-ին, ժամը 10:00-ի սահմաններում դպրոցում վիճաբանություն է առաջացել Թ. Մ-ի և Ս. Գ-ի միջև, այնուհետև նույն օրը ժամը 18:00-ի սահմաններում վիճաբանությունը շարունակվել է Թ.Մ-ի տանը իր և մյուս կողմից նույն շրջանի բնակիչներ՝ 1959թ.ծնված Ծ. Գ.-ի նրա որդու՝ 1980թ.ծնված Ա. Գ.-ի և վերջինիս կնոջ՝ 1988թ.ծնված Մ. Ղ.-ի միջև, որի ընթացքում կողմերը միմյանց հարվածներ են հասցրել պատճառելով մարմնական վնասվածքներ։
Նշված անձանց տրվել են դատաբժշկի ուղեգրեր:
Ստուգմամբ զբաղվում է ԱՀ ոստիկանության Քաշաթաղի շրջանային բաժինը: