ԿԱՅՔԻ ՔԱՐՏԵԶ
ԹԵԺ ԳԻԾ
22.07.2019 14:31
ՎԹԱՐ՝ ՎԱՐՈՐԴԻ ԱՆԶԳՈՒՇՈՒԹՅԱՆ ՀԵՏԵՎԱՆՔՈՎ
ԱՀ ոստիկանության Մարտակերտի շրջանային բաժնի ծառայողը պարզել է, որ հուլիսի 21-ին ժամը 23:20-ի սահմաններում, ՌԴ քաղաքացի 1983թ.ծնված Դ.Ա-ն վարելով « ՈՒազ Խանտեր» մակնիշի ավտոմեքենան Վանք գյուղի Ծովեն-Քար կոչվող տեղամասից Վանք տանող ճանապարահատվածի 3-րդ կիլոմետրին դուրս է եկել ճանապարհի երթևեկելի մասից դեպի աջ և գլորվել, ինչի հետևանքով Դ. Ա-ն ստացած մարմնական վնասվածքով տեղափոխվել է «Հանրապետական բժշկական կենտրոն»:
Նախնական տվյալներով վթարի պատճառ է հանդիսացել վարորդի անզգուշությունը։
Ստուգմամբ զբաղվում է ԱՀ ոստիկանության Մարտակերտի շրջանային բաժինը:
ԱՀ ոստիկանության ճանապարհային ոստիկանության վերլուծությունները վկայում են, որ ճանապարհատրանսպորտային պատահարների պատճառների մեջ զգալի թիվ են կազմում նաև անզգուշության հետևանքով առաջացող պատահարները։
Հարգելի ավտովարորդներ, հիշեք, որ ավտոմեքենան մեծ ռիսկայնություն պարունակող տեխնիկական միջոց է, ուստի հորդորում ենք այն վարելու ընթացքում ցուցաբերել ծայրաստիճան զգուշություն և զգոնություն, խստորեն հետևել երթևեկության կանոններին` այդ կերպ երաշխավորելով ինչպես ձեր, այնպես էլ ուղևորների և այլոց կյանքն ու առողջությունը։