ԿԱՅՔԻ ՔԱՐՏԵԶ
ԹԵԺ ԳԻԾ
15.08.2019 14:45
ՎԹԱՐ՝ ՍՏԵՓԱՆԱԿԵՐՏ-ՀԱԴՐՈՒԹ ՃԱՆԱՊԱՐՀԱՀԱՏՎԱԾՈՒՄ
Ս.թ.օգոստոսի 14-ին ժամը 13:50-ի սահմաններում Հադրութի շրջանի բնակիչ,1980թ.ծնված Ն. Ս-ն վարելով նույն շրջանի բնակիչ, 1986թ.ծնված Մ. Դ-ին պատկանող «ՎԱԶ-21074» մակնիշի ավտոմեքենան, Ստեփանակերտ-Հադրութ ավտոճանապարհի 45-րդ կիլոմետրին կորցրել է ղեկի կառավարումը դուրս եկել երթևեկելի մասից դեպի ձախ և ընկել ճամփեզրում առկա փոսը, ինչի հետևանքով ինքը և ուղևորներ, նույն շրջանի բնակիչներ՝ 1958թ.ծնված Լ. Ս-ն, 1988թ.ծնված Լ. Ս-ն, 2007թ.ծնված Ա. Ս-ն և 2009թ.ծնված Լ. Ս-ն տարբեր մարմնական վնասվածքներով տեղափոխվել են Ստեփանակերտի «Հանրապետական բժշկական կենտրոն»:
Նախնական տվյալներով վթարի պատճառ է հանդիսացել «ՎԱԶ-21074» մակնիշի ավտոմեքենայի վարորդի անզգուշությունը։
Ստուգմամբ զբաղվում է ԱՀ ոստիկանության Հադրութի շրջանային բաժինը:
ԱՀ ոստիկանության ճանապարհային ոստիկանության վերլուծությունները վկայում են, որ ճանապարհատրանսպորտային պատահարների պատճառների մեջ զգալի թիվ են կազմում նաև անզգուշության հետևանքով առաջացող պատահարները։
Հարգելի վարորդներ, հիշեք, որ ավտոմեքենան մեծ ռիսկայնություն պարունակող տեխնիկական միջոց է, ուստի հորդորում ենք այն վարելու ընթացքում ցուցաբերել ծայրաստիճան զգուշություն և զգոնություն, խստորեն հետևել երթևեկության կանոններին` այդ կերպ երաշխավորելով ինչպես ձեր, այնպես էլ ուղևորների և այլոց կյանքն ու առողջությունը։