ԿԱՅՔԻ ՔԱՐՏԵԶ
ԹԵԺ ԳԻԾ
23.07.2014 14:51
Ստացել են մարմնական վնասվածքներ
Հուլիսի 20-ին, ժամը 21:15-ի սահմաններում, Ստեփանակերտ քաղաքի Հեքիմյան փողոցի թիվ 12 շենքի N բնակարանի բնակիչ, 1959թ. ծնված Ա. Ծ-ին, տանը, վիճաբանության ժամանակ ծեծի է ենթարկել որդին` 1981թ. ծնված Ա. Ծ-ն:
***
Հուլիսի 23-ին Հանրապետական բժշկական կենտրոնից ոստիկանության Ստեփանակերտի քաղվարչություն հաղորդում է ստացվել այն մասին, որ շտապ բուժօգնության մեքենայով մարմնի տարբեր մասերի սալջարդ վնասվածքներով իրենց մոտ է տեղափոխվել Շուշի քաղաքի Պռոշյան փողոցի թիվ 3 շենքի N բնակարանի բնակիչ, 1981թ. ծնված Ա. Հ-ն:
Պարզվել է, որ հուլիսի 22-ին, ժամը 23:00-ի սահմաններում, Մարտունու շրջանի Սարգսաշեն համայնքի տարածքում 1983թ. ծնված Հ. Դ-ն (բն. է նույն հասցեում) վիճաբանության ժամանակ ծեծի է ենթարկել Ա. Հ-ին:
***
Հուլիսի 22-ին, ժամը 18:50-ի սահմաններում, Քաշաթաղի շրջանի 2-րդ թաղամասի N տան բնակիչ, 1976թ. ծնված Կ. Ս-ն Խաղաղության հրապարակում վիճաբանության մեջ է մտել նույն թաղամասի N տան բնակիչ, 1988թ. ծնված Ա. Գ-ի հետ, որի ընթացքում ձեռքով հարվածել է վերջինիս դեմքին:
Կ. Ս-ն բերման է ենթարկվել ոստիկանության շրջբաժին:
Ա. Գ-ին տրվել է դատաբժշկի ուղեգիր:
***
Ոստիկանության Ասկերանի շրջբաժնի ծառայողները քրեական գործի նախաքննության ընթացքում պարզել են, որ ս.թ. մարտի 23-ին, ժամը 09:00-ի սահմաններում, Խնձրիստան գյուղի բնակչուհի, 1986թ. ծնված Զ. Բ-ն, տան խոհանոցում, վիճաբանության ժամանակ ձեռքով հարվածել է սկեսրոջը` նույն գյուղի բնակչուհի, 1938թ. ծնված Ռ. Ղ-ին:
Ռ. Ղ-ին տրվել է դատաբժշկի ուղեգիր: