ԿԱՅՔԻ ՔԱՐՏԵԶ
ԹԵԺ ԳԻԾ
23.03.2018 15:11
Ռազմամթերքի և թմրանյութի հայտնաբերում
Մարտի 22-ին ԱՀ ոստիկանության քրեական հետախուզության վարչության և ոստիկանության Մարտունու շրջանային բաժնի ծառայողների համատեղ ստացված տեղեկությունների ստուգման արդյունքում զննության է ենթարկվել Մարտունու շրջանի Մաճկալաշեն գյուղի բնակիչ՝ 1994թ. ծնված Ն.Ս-ի առանձնատունը, որի հյուրասենյակում և նկուղային հարկում հայտնաբերվել է ինքնաձիգի 1 պահեստատուփ՝ լիցքավորված 5.45 մմ տրամաչափի 29 փամփուշտներով, տարբեր տրամաչափի 11 և ազդանշանային 1 փամփուշտ, սպեցիֆիկ հոտով դեղնականաչավուն գույնի 1.33գ. կանեփանման բույսի զանգված, տարբեր տարաների մեջ աճեցված կանեփանման բույսի 4 սածիլ և 10 բաժակի մեջ ցանված կանեփանման բույսի մեկական սերմ: