ԿԱՅՔԻ ՔԱՐՏԵԶ
ԹԵԺ ԳԻԾ
15.08.2019 14:43
ՊԱՐՏԱԿԱՆՈՒԹՅՈՒՆՆԵՐԸ ՈՉ ՊԱՏՇԱՃ ԿԱՏԱՐԵԼՈՒ ՀԵՏԵՎԱՆՔՈՎ ՊԵՏՈՒԹՅԱՆԸ ՊԱՏՃԱՌՎԵԼ Է ԳՈՒՅՔԱՅԻՆ ՎՆԱՍ
2019թ. հունիսի 14-ին Մարտակերտի շրջդատախազությունից համապատասխան գրությանը կից ստացվել է Մարտակերտի շրջանի բնակչուհի, 1996թ.ծնված Ս. Մ-ին որպես միայնակ ծնող նպաստ վճարելու դեպքի առթիվ նախապատրաստված նյութերն առ այն, որ ԱՀ ՔԿԱԳ Մարտակերտի տարածքային բաժնի պետ, Մարտակերտ քաղաքի բնակչուհի, 1974թ.ծնված Ս. Ա-ն համաձայն ԱՀ արդարադատության նախարարի համապատասխան հրամանի 14-րդ կետի, պարտավորված լինելով 2018թ. ապրիլին Ս. Մ-ին անչափահաս որդի, 2015թ.ծնված Տ. Մ-ի նկատմամբ հայրության որոշման գրանցման մասին հաղորդում ներկայացնել ԱՀ սոցիալական պաշտպանության Մարտակերտի տարածքային բաժին, ծառայության նկատմամբ անփույթ վերաբերվելու, պարտականությունները ոչ պատշաճ կատարելու հետևանքով մոռացել է և տվյալ հաղորդումը չի գրանցել, ինչի հետևանքով պետությանը պատճառվել է գույքային վնաս:
Ստուգմամբ զբաղվում է ԱՀ ոստիկանության Մարտակերտի շրջանային բաժինը:
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ԱՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: