ԿԱՅՔԻ ՔԱՐՏԵԶ
ԹԵԺ ԳԻԾ
08.05.2019 20:22
Պարգևատրումներ Եռատոնի նախօրեին
Սույն թվականի մայիսի 8-ին Արցախի Հանրապետության ոստիկանությունում տեղի ունեցավ հանդիսավոր արարողություն։ Պարգևատրման արժանացան ինչպես ոստիկանության ծառայողներ, այնպես էլ վետերաններ։
Արցախի Հանրապետության ոստիկանության պետ, ոստիկանության գնդապետ Իգոր Գրիգորյանը շնորհավորելով և կարևորելով Եռատոնի խորհուրդը, անցավ պարգևատրման արարողության։ Ոստիկանության կադրերի բաժնի պետ, ոստիկանության գնդապետ Արմեն Բաղրյանը նախ հրապարակեց Արցախի Հանրապետության Նախագահի հրամանագիրը, համաձայն որի, ոստիկանության մի խումբ վետերաններ պարգևատրվեցին «Մարտական ծառայություն» մեդալով։
Արցախի Հանրապետության ոստիկանության պետի հրամանով «Օրենքի պատվար» մեդալով պարգևատրվեց և դրա հետ մեկտեղ դրամական խրախուսման արժանացավ Հայրենական մեծ պատերազմի մասնակից, շուրջ 25 տարի ներքին գործերի համակարգում ծառայած, միլիցիայի պաշտոնաթող լեյտենանտ Մուշեղ Նասիբյանը։
Արցախի Ազատամարտիկների Միության որոշմամբ ոստիկանության մի շարք ծառայողներ պարգևատրվեցին «Հայրենյաց պաշտպան» մեդալով։ Ոստիկանության պետի հրամանով մի խումբ ոստիկանության ծառայողներ, ինչպես նաև վետերաններ պարգևատրվեցին «Օրենքի պատվար» մեդալով և արժանացան դրամական խրախուսման։