ԿԱՅՔԻ ՔԱՐՏԵԶ
ԹԵԺ ԳԻԾ
04.12.2015 17:54
Պատահարի հետևանքով տեղափոխվել է հիվանդանոց
Դեկտեմբերի 3-ին «Մոր և մանկան առողջության պահպանման կենտրոն» ՓԲ ընկերությունից ոստիկանության Ստեփանակերտի քաղվարչություն հաղորդում է ստացվել այն մասին, որ հղիության 32 շաբաթական սպառնացող վաղաժամ ծննդաբերության ախտորոշումով իրենց մոտ է ընդունվել Դուդինի փողոցի 1-ին փակուղու N տան բնակչուհի, 1992թ. ծնված Գ. Գ-ն:
Պարզվել է, որ նույն օրը՝ ժամը 16:50-ի սահմաններում, ՈՒլուբաբյան փողոցի թիվ 57 տան դիմացի ճանապարհահատվածում իրար են բախվել Հեքիմյան փողոցի թիվ 14բ շենքի N բնակարանի բնակիչ, 1961թ. ծնված Օ. Թ-ի վարած «ՎԱԶ 2107» մակնիշի և Մ. Սպարապետի փողոցի N տան բնակիչ, 1989թ. ծնված Մ. Վ-ի վարած «Օպել Աստրա» մակնիշի ավտոմեքենաները, ինչի հետևանքով «ՎԱԶ 2107»-ի ուղևորուհի Գ. Գ-ն դիմել է «Մոր և մանկան առողջության պահպանման կենտրոն» ՓԲԸ: