ԿԱՅՔԻ ՔԱՐՏԵԶ
ԹԵԺ ԳԻԾ
21.05.2015 12:04
Պայծառ ապագա ենք մաղթում Ձեզ, սիրելի շրջանավարտներ
Մայիսի 23-ին հանրապետության բոլոր ուսումնական հաստատություններում կհնչի «Վերջին զանգը», որին ավանդության համաձայն հաջորդում են հաճելի տոնակատարություններ:
ԼՂՀ ոստիկանության պետի և ոստիկանության ողջ անձնակազմի անունից շնորհավորում ենք բոլոր շրջանավարտներին և նրանց ծնողներին այս գեղեցիկ տոնի կապակցությամբ և մաղթում երեխաներին պայծառ ապագա:
Սիրելի շրջանավարտներ, տոնակատարությունները հավուր պատշաճի անցկացնելու համար ԼՂՀ ոստիկանության պետի հրահանգով ոստիկանության ողջ անձնակազմը անցնելու է ուժեղացված ծառայության:
Անցանկալի պատահարներից խուսափելու համար, շրջանավարտների ծնողներին կոչ ենք անում չտրամադրել երեխաներին տրանսպորտային միջոցներ:
Զգուշացնում ենք, որ ճանապարհային ոստիկանությունը կլինի անզիջում և օրինախախտների նկատմամբ կկիրառի ներգործության խիստ միջոցներ:
Սիրելի շրջանավարտներ, ևս մեկ անգամ շնորհավորելով այս գեղեցիկ տոնի առթիվ` մաղթում ենք, որ Ձեր երազանքների թևակոխման նոր շրջանի նախաշեմին կարողանաք ճիշտ գնահատել համամարդկային վեհ արժեքները և միայն այդ արժեքների հիմքով կառուցեք Ձեր իսկ ապագան։