Չորս ճանապարհային պատահար` մեկ օրում

Դեկտեմբերի 25-ին` ժամը 12:10-ի սահմաններում, Ստեփանակերտ քաղաքի Դ. Բեկի փողոցի N տան բնակիչ, 1957թ. ծնված Ա. Ա-ն, վարելով իրեն պատկանող «ՎԱԶ-2106» ավտոմեքենան, Ազատամարտիկների փողոցի թիվ 16 շենքի դիմացի ճանապարհահատվածում վրաերթի է ենթարկել Արեշ թաղամասի N տան բնակիչ, 2004թ. ծնված Ա. Ե-ին, ինչի հետևանքով վերջինս ձախ նստագոտկային շրջանի փափուկ հյուսվածքների սալջարդով տեղափոխվել է «Արևիկ» մանկական բուժմիավորում:

****

Դեկտեմբերի 25-ին Մարտակերտի շրջբուժմիավորումից ոստիկանության շրջբաժին հաղորդում է ստացվել այն մասին, որ մարմնական վնասվածքներով իրենց մոտ են տեղափոխվել Մարտակերտ քաղաքի Դանիելյան փողոցի N տան բնակիչներ` 1954թ. ծնված Ռ. Ա-ն, 1986թ. ծնված Ն. Ա-ն և 2012թ. ծնված Մ. Գ-ն: 

Պարզվել է, որ նույն օրը` ժամը 12:30-ի սահմաններում, Ռ. Ա-ն, վարելով «Ֆոլկսվագեն» մակնիշի ավտոմեքենան, Ստեփանակերտ-Մարտակերտ ավտոճանապարհի 41-րդ կիլոմետրին կորցրել է կառավարումը և դուրս գալով երթևեկելի մասից վթարի ենթարկվել, ինչի հետևանքով նշված անձինք ստացել են վնասվածքներ:

****

Դեկտեմբերի 25-ին Կովսական քաղաքի բուժմիավորումից ոստիկանության Քաշաթաղի շրջբաժնի հերթապահ մաս հաղորդում է ստացվել այն մասին, որ տարբեր մարմնական վնասվածքներով իրենց մոտ են տեղափոխվել ՀՀ Աբովյան քաղաքի բնակիչներ` 1979թ. ծնված Ս. Ն-ն և 1976թ. ծնված Ե. Կ-ն:

Պարզվել է, որ նույն օրը` ժամը 18:00-ի սահմաններում, Ս. Ն-ն, վարելով իրեն պատկանող «ՎԱԶ-21099» ավտոմեքենան, Մամարգ-Վարդաբաց ավտոճանապարհի 3-րդ կիլոմետրին վթարի է ենթարկվել, ինչի հետևանքով ինքը և ուղևորը ստացել են վնասվածքներ: 

****     

Դեկտեմբերի 25-ին` ժամը 20:30-ի սահմաններում, ՀՀ Մարտունու շրջանի Վարդենիկ գյուղի բնակիչ, 1970թ. ծնված Վ. Ե-ն («Բեյզ Մեթըլս» ՓԲԸ վարորդ), վարելով «ԿԱՄԱԶ» ավտոմեքենան, Ստեփանակերտ-Դրմբոն ավտոճանապարհի 55-րդ կիլոմետրին դուրս է եկել  ճանապարհի երթևեկելի մասից և շրջել այն, ինչի հետևանքով ստացած մարմնական վնասվածքներով տեղափոխվել «Հանրապետական բժշկական կենտրոն» ՓԲԸ: