ԿԱՅՔԻ ՔԱՐՏԵԶ
ԹԵԺ ԳԻԾ
01.07.2015 15:37
ՈՒղղել և վերադաստիարակել՝ օգնության ձեռք մեկնելով նրանց
ԼՂՀ ոստիկանության պետ, գեներալ-մայոր Կամո Աղաջանյանի կողմից հաստատված ոստիկանության ղեկավարության մոտ 2015թ. 1-ին կիսամյակում անցկացվելիք օպերատիվ խորհրդակցությունների պլանի համաձայն՝ սույն թվականի հունիսի 30-ին ոստիկանության պետի 1-ին տեղակալ, ոստիկանության գնդապետ Անդրանիկ Հակոբյանը օպերատիվ խորհրդակցություն անցկացրեց ոստիկանության քրեակատարողական վարչության քրեակատարողական տեսչության ծառայողների հետ:
Խորհրդակցության օրակարգը նվիրված էր ոստիկանության քրեակատարողական վարչության քրեակատարողական տեսչությունում հաշվառված դատապարտյալների նկատմամբ իրականացվող վերահսկողական աշխատանքների վիճակին։
Խորհրդակցությանը մասնակցում էին ոստիկանության շտաբի պետի տեղակալը, քրեակատարողական վարչության և քրեակատարողական տեսչության պետերը, ինչպես նաև ոստիկանության տարածքային ստորաբաժանումների քրեակատարողական տեսչության պատասխանատուները:
Հիմնական զեկույցով հանդես եկավ քրեակատարողական վարչության քրեակատարողական տեսչության պետ, ոստիկանության մայոր Հենրիկ Մաթևոսյանը, ով անդրադարձավ փորձաշրջանում գտնվող և պատժից պայմանական վաղաժամկետ ազատված դատապարտյալների ուղղման, դատական ակտերով նրանց վրա դրված պարտականությունների կատարումն ապահովելու, ինչպես նաև նոր հանցագործությունների կանխման նպատակով տեսչության ծառայողների կողմից իրականացվող հսկողության և դաստիարակչական աշխատանքներին:
Ամփոփելով խորհրդակցությունը՝ ոստիկանության պետի 1-ին տեղակալ, ոստիկանության գնդապետ Անդրանիկ Հակոբյանը քրեակատարողական տեսչության տեսուչներին հանձնարարեց հաշվառման մեջ գտնվողների նկատմամբ ցուցաբերել պարզագույն մարդասիրություն՝ ձերբազատել ավելորդ քաշքշուկներից՝ փոխարենը նպաստելով աշխատանքի տեղավորման ու այդ կերպ նրանց սոցիալական խնդիրների լուծմանը: