ՈՍՏԻԿԱՆՈՒԹՅԱՆ ԾԱՌԱՅՈՂՆԵՐԻ ԿՈՂՄԻՑ ԹՄՐԱՆՅՈՒԹԵՐԻ ԱՊՕՐԻՆԻ ՇՐՋԱՆԱՌՈՒԹՅԱՆ ԴԵՄ ՊԱՅՔԱՐԸ ՇԱՐՈՒՆԱԿՎՈՒՄ Է

Ս.թ.օգոստոսի 24-ին ժամը 11։15-ին ԱՀ ոստիկանության Ստեփանակերտ քաղաքի վարչության քրեական հետախուզության բաժնի ծառայողները թմրանյութ օգտագործելու և պահելու կասկածանքով զննության են ենթարկել Շուշի քաղաքի բնակիչ, 1980թ.ծնված Մ. Հ-ի կողմից վարձակալած Ստեփանակերտ քաղաքի Սախարովի փողոցում գտնվող տներից մեկը, որտեղ միջանցքի պահարանի վրա գտնվող պայուսակի գրպանի մեջ հայտնաբերվել է թվով 1 փաթեթ՝ 0.94 գրամ քաշով չորացված և մանրացված կանեփանման բույսի զանգվածի պարունակությամբ։
Մ. Հ-ն բերման է ենթարկվել ԱՀ ոստիկանության Ստեփանակերտ քաղաքի վարչություն:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը։

Ս.թ.օգոստոսի 24-ին ժամը 08:10-ի սահմաններում ԱՀ ոստիկանության քրեական հետախուզության վարչության ծառայողները՝ԱՀ ոստիկանության Ասկերանի շրջանային բաժնի ծառայողների հետ համատեղ, զննության են ենթարկել Ասկերանի շրջանի բնակիչ, 1972թ.ծնված Ա. Ս-ի կողմից օգտագործվող տնամերձ հողամասը, որտեղ հայտնաբերվել է վերջինիս կողմից աճեցված թվով 3 կանեփանման բույս՝ խնամված վիճակում, իսկ առանձնատան նկուղում՝ 460 գրամ քաշով կանեփանման բույսի զանգված։
Ստուգմամբ զբաղվում է ԱՀ ոստիկանության քրեական հետախուզության վարչությունը:

Ս.թ.օգոստոսի 24-ին ժամը 17:30-ի սահմաններում ԱՀ ոստիկանության Շուշիի շրջանային բաժնի քրեական հետախուզության բաժնի ծառայողները Շուշիի շրջանի «Շռլան» կոչվող տեղամասից բերման են ենթարկել Շուշի քաղաքի բնակիչ, 1985թ.ծնված Ա. Գ-ին, ում անձնական խուզարկությամբ, ուսապարկի մեջ հայտնաբերվել է 91,63 գրամ կանեփանման բույսի կիսաթաց զանգված:
Ստուգմամբ զբաղվում է ԱՀ ոստիկանության Շուշիի շրջանային բաժինը:

Եվս մեկ անգամ հիշեցնում ենք օրենսդրությամբ սահմանված բացառիկ հնարավորության մասին՝ համաձայն որի, թմրամիջոցներ կամ հոգեմետ (հոգեներգործուն) նյութեր, դրանց պրեկուրսորներ, ինչպես նաև խիստ ներգործող կամ թունավոր նյութեր կամովին հանձնող անձն ազատվում է դրանք ապօրինի պատրաստելու, վերամշակելու, ձեռք բերելու, փոխադրելու կամ առաքելու համար նախատեսված քրեական պատասխանատվությունից։
Նմանատիպ բուսատեսակներ կամ նյութեր ապօրինի պահող անձանց առաջարկում ենք չհետաձել չարիքից օր առաջ ազատվելու հնարավորությունը՝ այդ կերպ երաշխավորելով ինչպես ձեր կյանքն ու առողջությունը, այնպես էլ օրենքի հետ խնդիրներ ունենալու անխուսափելի հատուցումը։