ԿԱՅՔԻ ՔԱՐՏԵԶ
ԹԵԺ ԳԻԾ
22.08.2019 11:49
ՈՍՏԻԿԱՆՈՒԹՅԱՆ ԾԱՌԱՅՈՂՆԵՐԻ ԿՈՂՄԻՑ ԹՄՐԱՆՅՈՒԹԵՐԻ ԱՊՕՐԻՆԻ ՇՐՋԱՆԱՌՈՒԹՅԱՆ ԴԵՄ ՊԱՅՔԱՐԸ ՇԱՐՈՒՆԱԿՎՈՒՄ Է
Ս.թ.oգոստոսի 21-ին ԱՀ ոստիկանության քրեական հետախուզության վարչության ծառայողները՝ ոստիկանության Մարտակերտի շրջանային բաժնի ծառայողների հետ համատեղ, նույն օրը ժամը 11:50-ի սահմաններում Մարտակերտի շրջանի Մեծ-Շեն համայնքում թմրանյութ պահելու կասկածանքով անձնական խուզարկության են ենթարկել նույն շրջանի բնակիչ՝ 1975թ.ծնված Բ. Բ-ին, ում կիսատաբատի գրպանում հայտնաբերվել է թղթե 1 փաթեթ, որի մեջ առկա էր 2,09 գրամ քաշով կանաչ գույնի թմրանյութի նմանվող չորացված և մանրացված բուսական զանգված, իսկ վերջինիս տան հյուրասենյակում կախված բաճկոնի գրպանից և տան կից հավաբնի պատուհանից զննությամբ հայտնաբերվել է համապատասխանաբար 0,63 և 1,36 գրամ քաշերով նույնանման զանգվածներ, այնուհետև նույն հավաբնի տանիքից զննությամբ հայտնաբերվել է 33,55 գրամ քաշով կանեփանման բուսական զանգված և տան կից բանջարանոցում մշակված և աճեցված կանեփանման 1 բույս:
Հայտնաբերված զանգվածների ընդհանուր քաշը կազմում է 37.63 գրամ:
Ստուգմամբ զբաղվում է ԱՀ ոստիկանության քրեական հետախուզության վարչությունը:
Եվս մեկ անգամ հիշեցնում ենք օրենսդրությամբ սահմանված բացառիկ հնարավորության մասին՝ համաձայն որի, թմրամիջոցներ կամ հոգեմետ (հոգեներգործուն) նյութեր, դրանց պրեկուրսորներ, ինչպես նաև խիստ ներգործող կամ թունավոր նյութեր կամովին հանձնող անձն ազատվում է դրանք ապօրինի պատրաստելու, վերամշակելու, ձեռք բերելու, փոխադրելու կամ առաքելու համար նախատեսված քրեական պատասխանատվությունից։
Նմանատիպ բուսատեսակներ կամ նյութեր ապօրինի պահող անձանց առաջարկում ենք չհետաձել չարիքից օր առաջ ազատվելու հնարավորությունը՝ այդ կերպ երաշխավորելով ինչպես ձեր կյանքն ու առողջությունը, այնպես էլ օրենքի հետ խնդիրներ ունենալու անխուսափելի հատուցումը։
