ԿԱՅՔԻ ՔԱՐՏԵԶ
ԹԵԺ ԳԻԾ
03.07.2020 13:44
Նոր նշանակումներ՝ ԱՀ ոստիկանությունում
Հուլիսի 3-ին ԱՀ ոստիկանության պետի առաջին տեղակալ, ոստիկանության գնդապետ Նորայր Բաբայանը ԱՀ ոստիկանության Ասկերանի շրջանային բաժնի ծառայողներին է ներկայացրել նորանշանակ բաժնի պետին։
ԱՀ ոստիկանության պետ, ոստիկանության գեներալ-մայոր Աշոտ Հակոբջանյանի՝ 2020թ.հուլիսի 2-ի հրամանով ոստիկանության Ասկերանի շրջանային բաժնի պետ, ոստիկանության փոխգնդապետ Արթուր Բաղունցն ազատվել է զբաղեցրած պաշտոնից և նշանակվել Արցախի Հանրապետության ոստիկանության տնտեսական և կոռուպցիոն հանցագործությունների դեմ պայքարի վարչության պետի տեղակալի պաշտոնին ։
Նույն օրը ԱՀ ոստիկանության պետի մեկ այլ հրամանով ոստիկանության Ասկերանի շրջանային բաժնի պետ է նշանակվել Արման Սարուխանյանը և նրան շնորհվել է ոստիկանության փոխգնդապետի կոչում։
ԱՀ ոստիկանության պետի առաջին տեղակալը շնորհավորել է վերջիններիս նշանակումների առթիվ և մաղթել անփորձանք ծառայություն։ Հանդիպմանը ներկա էր նաև Ասկերանի շրջանի դատախազ Գագիկ Իշխանյանը։