ԿԱՅՔԻ ՔԱՐՏԵԶ
ԹԵԺ ԳԻԾ
20.04.2015 15:20
Նշանակվել է դատաբժշկական փորձաքննություն
Ապրիլի 18-ին շրջբուժմիավորումից ոստիկանության Մարտակերտի շրջբաժին հաղորդում է ստացվել այն մասին, որ գլխի գագաթային շրջանի կտրված և կրծքավանդակի ծակած վերքով իրենց մոտ է տեղափոխվել Սարալանջի փողոցի N տան բնակիչ, 1963թ. ծնված Ի. Հ-ն:
Պարզվել է, որ նույն օրը` ժամը 19:00-ի սահմաններում, հարևանը` 1958թ. ծնված Ս. Բ-ն, իր տան բակում վիճաբանության ժամանակ կացնի բութ մասով հարվածել է Ի. Հ-ի գլխին, այնուհետև պտուտակահանով` կրծքավանդակին:
****
Ապրիլի 19-ին շրջբուժմիավորումից ոստիկանության Մարտակերտի շրջբաժին հաղորդում է ստացվել այն մասին, որ դեմքի և մեջքի սալջարդ վնասվածքներով բուժօգնության է դիմել Մաղավուզ գյուղի բնակիչ, 1936թ. ծնված Գ. Օ-ն:
Պարզվել է, որ նույն օրը` ժամը 11:00-ի սահմաններում, գյուղում վիճաբանության ժամանակ Գ. Օ-ին ծեծի է ենթարկել համագյուղացի` 1991թ. ծնված Գ. Գ-ն:
****
Ապրիլի 20-ին շրջբուժմիավորումից ոստիկանության Մարտակերտի շրջբաժին հաղորդում է ստացվել այն մասին, որ գլխի հունքային շրջանի պատռված վերքով իրենց մոտ է տեղափոխվել Տերյան փողոցի N տան բնակչուհի, 1984թ. ծնված Է. Բ-ն:
Պարզվել է, որ ապրիլի 19-ին` ժամը 22:30-ի սահմաններում, տանը վիճաբանության ժամանակ Է. Բ-ի գլխին աթոռով մեկ անգամ հարվածել է ամուսինը` 1977թ. ծնված Գ. Ս-ն (բն. է նույն հասցեում):
Է. Բ-ին տրվել է դատաբժշկի ուղղեգիր:
