ԿԱՅՔԻ ՔԱՐՏԵԶ
ԹԵԺ ԳԻԾ
11.12.2014 16:01
Նշանակվել է դատաբժշկական փորձաքննություն
Դեկտեմբերի 7-ին զինվորական հոսպիտալից ոստիկանության Ստեփանակերտի քաղվարչություն հաղորդում է ստացվել այն մասին, որ ճակատի սալջարդ և քթի կոտրված վնասվածքներով բուժօգնության է դիմել Հեքիմյան փողոցի թիվ 3վ շենքի N բնակարանի բնակիչ, 1993թ. ծնված Ն. Գ-ն:
Պարզվել է, որ նույն օրը` ժամը 22:30-ին, Ստեփանակերտ քաղաքի Վ.Սարգսյան փողոցի 26 հասցեում տեղակայված «ՌԱՅ» սրճարանում վիճաբանություն է առաջացել Ն. Գ-ի և Թումանյան փողոցի N տան բնակիչ, 1990թ. ծնված Պ. Մ-ի միջև, ինչի հետևանքով վերջիններս հարվածներ են հասցրել միմյանց:
****
Դեկտեմբերի 10-ին Հանրապետական հիվանդանոցից ոստիկանության Ստեփանակերտի քաղվարչություն հաղորդում է ստացվել այն մասին, որ գլխի պատռված վերքով իրենց մոտ է դիմել Ազատամարտիկների փողոցի թիվ 21 շենքի N բնակարանի բնակիչ, 1988թ. ծնված Մ. Պ-ն:
Պարզվել է, որ նույն օրը` ժամը 22:30-ի սահմաններում, Ստեփանակերտ քաղաքի Ազատամարտիկների փողոցի կամուրջի վրա Ս. Դավթի փողոցի թիվ 56 շենքի N բնակարանի բնակիչ, 1997թ. ծնված Ֆ. Ա-ն ծեծի է ենթարկել Մ. Պին:
Մ. Պ-ին և Ֆ. Ա-ին տրվել են դատաբժշկի ուղեգրեր:
****
Դեկտեմբերի 9-ին Մարտունի քաղաքի Սայաթ-Նովայի փողոցի թիվ 5 շենքի N բնակարանի բնակչուհի, 1939թ. ծնված Ա. Ս-ն ոստիկանության շրջբաժին է դիմել այն մասին, որ դեկտեմբերի 8-ին` ժամը 12:00-ին, դուստրը` Ճարտար գյուղի բնակչուհի, 1972թ. ծնված Մ. Խ-ն, տանը ծեծի է ենթարկել իրեն և թոռանը` 1991թ. ծնված Շ. Խ-ին (բն. է նշված գյուղում)` պատճառելով մարմնական վնասվածք:
Ա. Ս-ին և Շ. Խ-ին տրվել են դատաբժշկի ուղեգրեր: