ԿԱՅՔԻ ՔԱՐՏԵԶ
ԹԵԺ ԳԻԾ
20.10.2015 17:11
Մարմնական վնասվածքներ՝ վիճաբանության ժամանակ
Հոկտեմբերի 19-ին Ասկերանի շրջանի Խնապատ գյուղի բնակիչ, 1991թ. ծնված Վ. Ա-ն ոստիկանության շրջբաժին է դիմել այն մասին, որ նույն օրը՝ ժամը 16:00-ի սահմաններում, գյուղի «Մեծ Նան» կոչվող սրբավայրի տարածքում, համագյուղացի՝ 1964թ. ծնված Ա. Հ-ն ծեծի է ենթարկել իրեն` պատճառելով մարմնական վնասվածքներ:
****
Հոկտեմբերի 19-ին Մարտունի քաղաքի Վ. Խաչատրյան փողոցի N տան բնակչուհի, 1963թ. ծնված Հ. Գ-ն ոստիկանության շրջբաժին է դիմել այն մասին, որ նույն օրը՝ ժամը 12:50-ի սահմաններում, իր դստեր` 1991թ. ծնված Է. Գ-ի (բն. է նույն հասցեում) փեսացու` ՀՀ Էջմիածին քաղաքի Մ. Խորենացու փողոցի թիվ 1 շենքի N բնակարանի բնակիչ, 1980թ. ծնված Ռ. Ա-ն նշված տան բակում վիճաբանության մեջ է մտել իր հետ և ձեռքով հարվածներ հասցրել իրեն ու դստերը` պատճառելով մարմնական վնասվածքներ:
Հ. Գ-ին և Է. Գ-ին տրվել են դատաբժշկի ուղեգրեր:
****
Հոկտեմբերի 19-ին Կովսականի բուժմիավորումից ոստիկանության Քաշաթաղի շրջբաժին հաղորդում է ստացվել այն մասին, որ գլխուղեղի թեթև ցնցումով բուժօգնության է դիմել Մուշ գյուղի բնակչուհի, 1991թ. ծնված Ս. Գ-ն:
Պարզվել է, որ հոկտեմբերի 18-ին՝ ժամը 21:00-ի սահմաններում, Ս. Գ-ին, տանը, վիճաբանության ժամանակ ծեծի է ենթարկել ամուսինը` 1984թ. ծնված Հ. Վ-ն (բն. է նույն գյուղում):
Ս. Գ-ին տրվել է դատաբժշկի ուղեգիր: