ԿԱՅՔԻ ՔԱՐՏԵԶ
ԹԵԺ ԳԻԾ
23.08.2019 11:28
ՄԱՐՄՆԱԿԱՆ ՎՆԱՍՎԱԾՔՆԵՐ՝ ՎԻՃԱԲԱՆՈՒԹՅԱՆ ԱՐԴՅՈՒՆՔՈՒՄ
Ս.թ. օգոստոսի 22-ին ժամը 22.00-ի սահմաններում Քաշաթաղի շրջանի Սուս համայնքի վարչական տարածքում տեղակայված տաղավարում խնջույքի ժամանակ ծագած տարաձայնության պատճառով վիճաբանություն է առաջացել Բերձոր քաղաքի բնակիչներ՝ 1992թ.ծնված Ա. Հ-ի և 1975թ.ծնված Ա. Ե-ի միջև, որի ընթացքում կողմերը միմյանց ձեռքերով հարվածներ են հասցրել և պատճառել մարմնական վնասվածքներ։ Այնուհետև ժամը 22.30-ի սահմաններում վիճաբանությունը շարունակվել է Բերձոր քաղաքի Երևանյան մայրուղի թիվ 8 հասցեում տեղակայված շինության առջև, որտեղ կողմերը նորից միմյանց հարվածներ են հասցրել, իսկ Ա. Ե-ն ապակյա բաժակը շպրտել է Ա. Հ-ի ուղղությամբ, որը դիպչել է այնտեղով անցնող Բերձոր քաղաքի բնակիչ, 1984թ.ծնված Կ. Ա-ի ճակատային աջ հատվածին, ինչի հետևանքով վերջինիս պատճառվել է մարմնական վնասվածք:
Ա. Ե-ն և Ա. Հ-ն բերման են ենթարկվել ԱՀ ոստիկանության Քաշաթաղի շրջանային բաժին:
Նշանակվել է դատաբժշկական փորձաքննություն:
Ստուգմամբ զբաղվում է ԱՀ ոստիկանության Քաշաթաղի շրջանային բաժինը: