ԿԱՅՔԻ ՔԱՐՏԵԶ
ԹԵԺ ԳԻԾ
17.11.2014 17:31
Մարմնական վնասվածքներ
Նոյեմբերի 16-ին Ստեփանակերտ քաղաքի Իոսիֆյան փողոցի N տան բնակիչ, 1978թ. ծնված Ա. Ս-ն հեռախոսով ոստիկանության քաղվարչության հերթապահ մաս է հայտնել այն մասին, որ նշված տան մոտ հարևանը դանակով հարվածել է իր ձեռքին:
Պարզվել է, որ նույն օրը` ժամը 20:55-ին, վիճաբանություն է առաջացել Ա. Ս-ի և 1949թ. ծնված Ս. Հ-ի միջև, որի ընթացքում վերջինս սուր-ծակող գործիքով մեկ անգամ հարվածել է Ա. Ս-ի ձեռքին:
* * *
Նոյեմբերի 17-ին Ստեփանակերտի ՔՈՎ ՊՊԾ վաշտի ոստիկանները ծառայություն իրականացնելու ժամանակ Հեքիմյան փողոցի թիվ 16 շենքի մոտակայքում կայանված «Ռենո Լոգան» մակնիշի ավտոմեքենայի մեջ նկատել են ճակատի մասում վնասվածք ստացած` նույն փողոցի թիվ 11 շենքի N բնակարանի բնակիչ, 1992թ. ծնված Տ. Մ-ին:
Կատարված ստուգումների արդյունքում պարզվել է, որ նույն օրը` ժամը 01:00-ի սահմաններում, Հեքիմյան փողոցի թիվ 21 շենքի մոտակայքում Տ. Մ-ին վիճաբանության ժամանակ ծեծի են ենթարկել Հեքիմյան փողոցի թիվ 3 շենքի N բնակարանի բնակիչ, 1991թ. ծնված Ա. Պ-ն, Ս. Դավթի փողոցի թիվ 54 շենքի N բնակարանի բնակիչ, 1988թ. ծնված Հ. Ա-ն և Վ. Համբարձումյան փողոցի N տան բնակիչ, 1980թ. ծնված Վ. Հ-ն:
* * *
Նոյեմբերի 13-ին Բերձորի բուժմիավորումից ոստիկանության Քաշաթաղի շրջբաժին հաղորդում է ստացվել այն մասին, որ ձախ քունքային շրջանի ջնջխված վերքով բուժօգնության է դիմել Բերձոր քաղաքի 1-ին թաղամասի N տան բնակիչ, 1978թ. ծնված Ա. Կ-ն:
Պարզվել է, որ նույն օրը` ժամը 15:00-ի սահմաններում, Բերձորի քաղաքապետարանի մոտ նշված քաղաքի 6-րդ թաղամասի N տան բնակիչ, 1991թ. ծնված Գ. Բ-ի և Ա. Կ-ի միջև վիճաբանություն է առաջացել, որի ընթացքում կողմերը հարվածներ են հասցրել միմյանց:
Նշված անձանց տրվել են դատաբժշկի ուղեգրեր:
