ԿԱՅՔԻ ՔԱՐՏԵԶ
ԹԵԺ ԳԻԾ
29.09.2014 16:47
Մարմնական վնասվածքներ` վիճաբանության ժամանակ
Սեպտեմբերի 27-ին` ժամը 16:50-ին, անհայտ քաղաքացուց ոստիկանության Ասկերանի շրջբաժին ահազանգ է ստացվել այն մասին, որ «Բայթալ» կոչվող տեղամասում վիճաբանություն է տեղի ունենում:
Պարզվել է, որ նույն օրը` ժամը 16:20-ի սահմաններում, Ասկերան քաղաքի Շահումյան փողոցի թիվ 74 շենքի N բնակարանի բնակիչ, 1999թ. ծնված Ա. Ս-ի և Խնապատ գյուղի բնակիչ, 1998թ. ծնված Ա. Բ-ի միջև վիճաբանություն է առաջացել, որի ընթացքում կողմերը հարվածներ են հասցրել միմյանց:
***
Սեպտեմբերի 28-ին` ժամը 04:00-ին, Մարտակերտ քաղաքի Ավթանդիլյան փողոցի N տան բնակիչ, 1984թ. ծնված Հ. Ա-ն հեռախոսով ոստիկանության շրջբաժին է հաղորդել այն մասին, որ Ազատամարտիկների և Րաֆֆու փողոցների խաչմերուկում վիճաբանություն է տեղի ունեցել:
Պարզվել է, որ նույն օրը` ժամը 03:30-ի սահմաններում, նշված փողոցների խաչմերուկում վիճաբանություն է առաջացել Հ. Ա-ի և Ե. Չարենցի փողոցի N տան բնակիչ, 1986թ. ծնված Ա. Ա-ի միջև, որի ընթացքում կողմերը հարվածներ են հասցրել միմյանց:
Նշված անձանց տրվել են դատաբժշկի ուղեգրեր:
***
Սեպտեմբերի 28-ին Մեխակավանի հոսպիտալից ոստիկանության Հադրութի շրջբաժին հաղորդում է ստացվել այն մասին, որ աջ քունքի, ճակատի շրջանի կապտուկներով և ատամների հոդախախտումներով բուժօգնության է դիմել Ձորագյուղ գյուղի բնակիչ, 1985թ. ծնված Ա. Գ-ն:
Պարզվել է, որ սեպտեմբերի 27-ին` ժամը 22:30-ի սահմաններում, Սարալանջ գյուղից մոտ 80 մետր հեռավորության վրա գտնվող ճանապարահատվածում վիճաբանություն է առաջացել Ա. Գ-ի և նշված գյուղի բնակիչ, 1991թ. ծնված Խ. Ա-ի միջև, որի ընթացքում վերջինս ձեռքով և գլխով հարվածներ է հասցրել Ա. Գ-ի դեմքին և մարմնի տարբեր մասերին: