ԿԱՅՔԻ ՔԱՐՏԵԶ
ԹԵԺ ԳԻԾ
18.04.2017 17:19
ՃՏՊ
Ապրիլի 17-ին «Հանրապետական բժշկական կենտրոն» ՓԲԸ-ից հաղորդում է ստացվել այն մասին, որ ձախ ձեռքի ջնջխված, պատռված վերքով իրենց մոտ է տեղափոխվել Ստեփանակերտ քաղաքի Կնունյանցների փողոցի թիվ 28 շենքի N բնակարանի բնակիչ, 1983թ. ծնված Մ. Կ-ն:
Պարզվել է, որ նույն օրը՝ ժամը 08:00-ի սահմաններում, «Խանին Բաղ» կոչվող տեղանքում գտնվող ալրաղացի դիմացի ճանապարհահատվածում իրար են բախվել Գ. Չաուշի փողոցի N տան բնակիչ, 1984թ. ծնված Ս. Գ-ի վարած «Օպել Վեկտրա» մակնիշի և Վ.Սարոյան փողոցի թիվ 6 շենքի N բնակարանի բնակիչ, 1959թ. ծնված Գ. Հ-ի վարած «ՈւԱԶ-39629» մակնիշի ավտոմեքենաները, ինչի հետևանքով «Օպել Վեկտրա»-ի ուղևոր Մ. Կ-ն նշված մարմնական վնասվածքներով տեղափոխվել է «Հանրապետական բժշկական կենտրոն» ՓԲԸ:
****
Ապրիլի 16-ին շրջբուժմիավորումից հաղորդում է ստացվել այն մասին, որ մարմնի սալջարդ վնասվածքներով իրենց մոտ են տեղափոխվել Մարտակերտ քաղաքի Ա. Բակունցի փողոցի N տան բնակիչ, 1991թ. ծնված Ն. Ս-ն և Ազատամարտիկների փողոցի N տան բնակիչ, 1988թ. ծնված Ս. Հ-ն:
Պարզվել է, որ նույն օրը՝ ժամը 20:30-ի սահմաններում, Ն. Ս-ն, վարելով իրեն պատկանող «Մերսեդես-Բենց» մակնիշի ավտոմեքենան, Մաղավուզ-Մարտակերտ ավտոճանապարհի 4-րդ կիլոմետրին դուրս է եկել ճանապարհի երթևեկելի մասից և գլորվել ձորը, ինչի հետևանքով ինքը և ուղևոր Ս. Հ-ն մարմնական վնասվածքներով տեղափոխվել են շրջբուժմիավորում: