ԿԱՅՔԻ ՔԱՐՏԵԶ
ԹԵԺ ԳԻԾ
21.05.2016 12:30
ՃՏՊ
Մայիսի 18-ին՝ ժամը 01:00-ի սահմաններում, Ստեփանակերտ քաղաքի Հեքիմյան փողոցի թիվ 9 շենքի N բնակարանի բնակիչ, 1985թ. ծնված Ա. Հ-ն, վարելով իրեն պատկանող «Սուզուկի» մակնիշի ավտոմեքենան, Մարտակերտի շրջանի Նոր Այգեստան գյուղի վարչական տարածքում գտնվող «Չաներ» կոչվող տեղամասում դուրս է եկել ճանապարհի երթևեկելի մասից և գլորվել, ինչի հետևանքով կրծքավանդակի փափուկ հյուսվածքների սալջարդով և գլխի մակերեսի քերծված վերքով տեղափոխվել է Հանրապետական բժշկական կենտրոն:
*****
Մայիսի 19-ին՝ ժամը 20:00-ի սահմաններում, ՀՀ Սյունիքի մարզի Խնձորեսկ գյուղի բնակիչ, 1983թ. ծնված Ա. Ս-ն, վարելով իրեն պատկանող «ՈՒԱԶ 3303» մակնիշի ավտոմեքենան, Խնձորեսկ-Որոտան ավտոճանապարհի 7-րդ կիլոմետրի մոտակայքում գտնվող նախկին «Աղլուղի» կոչվող գյուղի տարածքում հետադարձ կատարելու ժամանակ գլորվել է ձորը, ինչի հետևանքով ինքը և նույն գյուղի բնակիչներ` 1974թ. ծնված Ա. Մ-ն և 1977թ. ծնված Վ. Ա-ն ստացած մարմնական վնասվածքներով տեղափոխվել են Գորիսի բժշկական կենտրոն: