ԿԱՅՔԻ ՔԱՐՏԵԶ
ԹԵԺ ԳԻԾ
14.05.2016 12:53
ՃՏ պատահարներ
Մայիսի 13-ին Ստեփանակերտի զինվորական հոսպիտալից ոստիկանության քաղվարչությունում հաղորդում է ստացվել այն մասին, որ ծնկահոդերի սալջարդով, աջ ձեռքի և ոտնաթաթի քերծվածքներով իրենց մոտ է ընդունվել Տիգրան Մեծի փողոցի թիվ 5 շենքի N բնակարանի բնակչուհի, 2005թ. ծնված Ա. Բ-ն:
Պարզվել է, որ նույն օրը՝ ժամը 14:50-ի սահմաններում, Բաղրամյան փողոցի թիվ 2ա շենքի N բնակարանի բնակիչ, 1995թ. ծնված Ա. Հ-ն, վարելով իրեն պատկանող «Նիսսան» մակնիշի ավտոմեքենան, Տիգրան Մեծի փողոցի թիվ 31 հասցեում գտնվող «LS» սրճարանի դիմացի ճանապարհահատվածում վրաերթի է ենթարկել Ա. Բ-ին:
*****
Մայիսի 13-ին շրջբուժմիավորումից ոստիկանության Մարտակերտի շրջբաժնում հաղորդում է ստացվել այն մասին, որ տարբեր մարմնական վնասվածքներով բուժօգնության են դիմել Գետավան գյուղի բնակիչ, 1977թ. ծնված Ի. Գ-ն, Դրմբոն գյուղի բնակչուհի, 1972թ. ծնված Մ. Գ-ն և Վաղուհաս գյուղի բնակչուհի, 1982թ. ծնված Ս. Ա-ն: Պարզվել է, որ նույն օրը՝ ժամը 09:00-ի սահմաններում, Գետավան գյուղի բնակիչ, 1956թ. ծնված Ա. Գ-ն, վարելով «ԿԱՎԶ» մակնիշի ավտոմեքենան, Գետավան-Ճանկաթաղ ավտոճանապարհի 33-րդ կիլոմետրին կողաշրջել է այն, ինչի հետևանքով նշված անձինք ստացել են մարմնական վնասվածքներ:
*****
Մայիսի 13-ին՝ ժամը 00:45-ի սահմաններում, Մարտունու շրջանի Գիշի գյուղի բնակիչ, 1981թ. ծնված Գ. Գ-ն, վարելով «ՎԱԶ-2106» մակնիշի ավտոմեքենան, Շուշիի շրջանի Կանաչ-թալա գյուղում գլորվել է ձորը և ստացած մարմնական վնասվածքներով տեղափոխվել «Հանրապետական բժշկական կենտրոն» ՓԲԸ: