ԿԱՅՔԻ ՔԱՐՏԵԶ
ԹԵԺ ԳԻԾ
03.07.2017 15:59
Ճանապարհատրանսպորտային պատահարներ
Հուլիսի 1-ին ժամը 23:55-ի սահմաններում, Հադրութի շրջանի Ուխտաձոր գյուղի բնակիչ Ս.Բ-ն, վարելով «ՎԱԶ-21063» ավտոմեքենան, Հադրութ-Տող ավտոճանապարհի 18-րդ կիլոմետրին դուրս է եկել երթևեկելի մասից և բախվել ճամփեզրի արգելապատնեշին, ինչի հետևանքով ինքը և ուղևոր՝ նույն գյուղի բնակիչ 1993թ. ծնված Վ.Բ-ն ստացել են մարմնական վնասվածքներ:
* * *
Հուլիսի 1-ին ժամը 11:50-ի սահմաններում Ստեփանակերտ քաղաքի բնակիչ 1970թ. ծնված Մ. Գ-ն, վարելով «Հոնդա ֆիտ» ավտոմեքենան Մարտունի-Ննգի-Ստեփանակերտ ավտոճանապարհի 15-րդ կիլոմետրին դուրս է եկել ճանապարհի երթևեկելի մասից և բախվել բլրին, ինչի հետևանքով ինքը և դուստրը` 2009թ. ծնված Ք.Ե-ն, ստացած մարմնական վնասվածքներով տեղափոխվել են «Հանրապետական բժշկական կենտրոն» ՓԲԸ:
* * *
Հուլիսի 2-ին ժամը 11:30-ի սահմաններում Մարտունու շրջանի Գիշի գյուղի բնակիչ 1941թ. ծնված Ռ. Հ-ն, վարելով «ՎԱԶ-2106» ավտոմեքենան, Ճարտար քաղաքում դուրս է եկել ճանապարհի երթևեկելի մասից, բախվել ճամփեզրին առկա շինության մետաղյա դարպասին, ինչի հետևանքով ուղևորներ` 1968թ. ծնված Ն.Մ-ն, 1982թ. ծնված Ա.Վ-ն, 1978թ. ծնված Ա.Հ-ն և 1976թ. ծնված Ս.Հ-ն տարբեր մարմնական վնասվածքներով տեղափոխվել են Մարտունու շուրջբուժմիավորում:
* * *
Հուլիսի 2-ին ժամը 01:10-ի սահմաններում Ստեփանակերտ քաղաքի բնակիչ 1987թ. ծնված Դ.Բ-ն, վարելով իրեն պատկանող «Մոնակո կրոս» մոդելի առանց պետհամարանիշի մոտոռոլերը, Ասկերանի շրջանի Այգեստան գյուղում դուրս է եկել ճանապարհից և կողաշրջվել, ինչի հետևանքով ստացած մարմնական վնասվածքով դիմել է «Հանրապետական բժշկական կենտրոն» ՓԲԸ: