ԿԱՅՔԻ ՔԱՐՏԵԶ
ԹԵԺ ԳԻԾ
22.04.2016 17:24
Ճանապարհատրանսպորտային պատահարներ
Ապրիլի 19-ին «Հանրապետական բժշկական կենտրոն» ՓԲԸ-ից ոստիկանության Ստեփանակերտի քաղվարչությունում հաղորդում է ստացվել այն մասին, որ աջ ծնկահոդի սալջարդ և առաջնային մակերեսի վերքերով բուժօգնության է դիմել Մարտունու շրջանի Բերդաշեն գյուղի բնակչուհի, 1991թ. ծնված Մ. Մ-ն:
Պարզվել է, որ նույն օրը՝ ժամը 13:30-ի սահմաններում, Ստեփանակերտ քաղաքի Նաբերեժնայա փողոցի թիվ 6 շինության դիմացի ճանապարհահատվածում իրար են բախվել Ասկերանի շրջանի Այգեստան գյուղի բնակիչ, 1989թ. ծնված Մ. Պ-ի վարած «ՎԱԶ 21101» մակնիշի և ՀՀ Երևան քաղաքի Ուլնեցի փողոցի թիվ 70/1 շենքի N բնակարանի բնակիչ, 1978թ. ծնված Ս. Ա-ի վարած «Ֆորդ» մակնիշի ավտոմեքենաները, ինչի հետևանքով Մ. Մ-ն ստացել է նշված մարմնական վնասվածքները:
*****
Ապրիլի 20-ին «Արևիկ» մանկական բուժմիավորում ՓԲԸ-ից ոստիկանության Ստեփանակերտի քաղվարչությունում հաղորդում է ստացվել այն մասին, որ ստորին վերջույթների քերծվածքներով իրենց մոտ է ընդունվել Կամոյի փողոցի թիվ 4 շենքի N բնակարանի բնակչուհի, 1999թ. ծնված Ա. Բ-ն:
Պարզվել է, որ նույն օրը՝ ժամը 08:10-ի սահմաններում, Վաղարշյան փողոցի թիվ 42 շենքի N բնակարանի բնակիչ, 1957թ. ծնված Ա. Ա-ն, վարելով «Ֆորդ Տրանզիտ» մակնիշի ավտոմեքենան, Ազատամարտիկների փողոցի թիվ 28 շենքի դիմացի ճանապարհահատվածում վրաերթի է ենթարկել Ա. Բ-ին: