ԿԱՅՔԻ ՔԱՐՏԵԶ
ԹԵԺ ԳԻԾ
01.06.2016 14:31
Ճանապարհատրանսպորտային պատահարներ
Մայիսի 30-ին՝ ժամը 16:30-ի սահմաններում, Ստեփանակերտ քաղաքի Պարույր Սևակի փողոցի N տան բնակիչ, 1986թ. ծնված Ս. Բ-ն, վարելով «ՖՈՐԴ ՏՐԱՆԶԻՏ» մակնիշի ավտոմեքենան, Գորիս-Բերձոր ավտոճանապարհի 29-րդ կիլոմետրին դուրս գալով հանդիպակաց գոտի՝ բախվել է ՀՀ Երևան քաղաքի Ներքին Շենգավիթ Սողոմոն Տարոնցի փողոցի թիվ 30 շենքի N բնակարանի բնակիչ, 1968թ. ծնված Ս. Օ-ի վարած «Օպել Աստրա» մակնիշի ավտոմեքենային, ինչի հետևանքով վերջինիս ուղևոր, 1991թ. ծնված Մ. Օ-ն (բն. է նույն հասցեում) ստացած մարմնական վնասվածքներով տեղափոխվել է Բերձոր քաղաքի բուժմիավորում:
*****
Մայիսի 30-ին շրջբուժմիավորումից ոստիկանության Շուշիի շրջբաժնում հաղորդում է ստացվել այն մասին, որ գլխուղեղի աջ քունքային մասի կտրած-ջնջխված վերքով բուժօգնության է դիմել ՀՀ Վայոց Ձորի մարզի Մալիշկա գյուղի բնակիչ, 1956թ. ծնված Ս. Ն-ն:
Պարզվել է, որ նույն օրը՝ ժամը 03:30-ի սահմաններում, Ս. Ն-ն, վարելով իրեն պատկանող «ՎԱԶ 2107» մակնիշի ավտոմեքենան, Գորիս-Ստեփանակերտ ավտոճանապարհի 54-րդ կիլոմետրում դուրս է եկել ճանապարհի երթևեկելի մասից, գլորվել ձորը և ստացել նշված մարմնական վնասվածքը:
*****
Հունիսի 1-ին՝ ժամը 03:30-ի սահմաններում, Մարտակերտի շրջանի Նոր Սեյսուլան գյուղի բնակիչ, 1990թ. ծնված Գ. Հ-ն, վարելով «ՎԱԶ-2106» մակնիշի ավտոմեքենան, նշված գյուղում դուրս է եկել երթևեկելի մասից և բախվել ճամփեզրի սալիկաբետոնե արձանին, ինչի հետևանքով ինքը և ուղևոր՝ համագյուղացի, 1991թ. ծնված Ա. Ա-ն ստացած մարմնական վնասվածքներով տեղափոխվել են Հանրապետական բժշկական կենտրոն: