ԿԱՅՔԻ ՔԱՐՏԵԶ
ԹԵԺ ԳԻԾ
27.11.2017 16:22
Ճանապարհատրանսպորտային պատահարի 3 դեպք` մայրաքաղաքում
Նոյեմբերի 25-ին ժամը 14:20-ի սահմաններում Ստեփանակերտ քաղաքի բնակիչ` 1987թ. ծնված Ա.Ղ-ն, վարելով իրեն պատկանող «Ինֆինիտի» ավտոմեքենան, Հեքիմյան փողոցի թիվ 5 շենքի դիմացի ճանապարհահատվածում վրաերթի է ենթարկել նույն քաղաքի բնակչուհի` 2000թ. ծնված Լ.Թ-ին, որից հետո կորցնելով կառավարումը բախվել է նշված շենքի բակում կայանված 1949թ. ծնված Վ.Թ-ին պատկանող «Ֆորդ Տրանզիտ» և 1972թ. ծնված Լ.Գ-ին պատկանող «Տոյոտա Կամրի» ավտոմեքենաներին, ինչի հետևանքով Լ.Թ-ն ստացած մարմնական վնասվածքներով տեղափոխվել է «Արևիկ մանկական բուժմիավորում» ՓԲԸ:
***
Նոյեմբերի 25-ին ժամը 23:05-ի սահմաններում Ստեփանակերտ քաղաքի բնակիչ` 1993թ. ծնված Ա.Հ-ն, վարելով «ՎԱԶ 21074» ավտոմեքենան, Տիգրան Մեծ փողոցի թիվ 5 շենքի դիմացի ճանապարհահատվածում բախվել է նույն քաղաքի բնակիչ` 1978թ. ծնված Ջ.Ա-ի վարած «Տոյոտա» ավտոմեքենային, այնուհետև բախվել մայթի մոտ կայանված 1978թ. ծնված Ա.Օ-ին պատկանող «Ֆորդ Տրանզիտ» ավտոմեքենային, որը հետ ընթանալով բախվել 1987թ. ծնված Ռ.Բ-ին պատկանող «ՎԱԶ 21144» մակնիշի ավտոմեքենային, ինչի հետևանքով Ա.Հ-ն ստացած մարմնական վնասվածքներով տեղափոխվել է «Հանրապետական բժշկական կենտրոն» ՓԲԸ:
***
Նոյեմբերի 26-ին ժամը 10:25-ի սահմաններում Ն.Ստեփանյան և Գ.Նժդեհ փողոցների խաչմերուկում իրար են բախվել Մարտունու շրջանի Ննգի գյուղի բնակիչ` 1991թ. ծնված Դ.Ք-ի վարած «Մերսեդես-Բենց» և Ստեփանակերտ քաղաքի բնակիչ` 1964թ. ծնված Գ.Շ-ի վարած «Օպել Վեկտրա» ավտոմեքենաները, ինչի հետևանքով վերջինիս ուղևոր, Ստեփանակերտ քաղաքի բնակիչ` 1984թ. ծնված Ա.Պ-ն, մարմնական վնասվածքներով տեղափոխվել է «Հանրապետական բժշկական կենտրոն» ՓԲԸ: