ԿԱՅՔԻ ՔԱՐՏԵԶ
ԹԵԺ ԳԻԾ
27.08.2019 12:29
ՃԱՆԱՊԱՐՀԱՏՐԱՆՍՊՈՐՏԱՅԻՆ ՊԱՏԱՀԱՐ՝ ՍՏԵՓԱՆԱԿԵՐՏՈՒՄ
Ս.թ.օգոստոսի 26-ին ժամը 10:40-ի սահմաններում ԱՀ ոստիկանության ճանապարհային ոստիկանության օպերատիվ կառավարման կենտրոնի դիմացի ճանապարհահատվածում իրար են բախվել Ստեփանակերտ քաղաքի բնակիչներ՝ 1977թ.ծնված Ա. Մ-ի վարած «ԿԱՄԱԶ-5511» մակնիշի և 1980թ.ծնված Ռ. Հ-ի վարած «Մերսեդես Վիանո» մակնիշի ավտոմեքենաները, ինչի հետևանքով վերջինիս ուղևորներ, մայրաքաղաքի բնակիչներ՝1984թ.ծնված Վ. Ս-ն, 2001թ.ծնված Մ.Գ-ն և ՀՀ Երևան քաղաքի բնակչուհի, 1984թ.ծնված Մ. Ա-ն ստացած մարմնական վնասվածքներով տեղափոխվել են «Հանրապետական բժշկական կենտրոն» ։
Նախնական տվյալներով վթարի պատճառ է հանդիսացել «ԿԱՄԱԶ-5511» մակնիշի ավտոմեքենայի վարորդի կողմից «Մերսեդես Վիանո» մակնիշի ավտոմեքենային չզիջելը և գլխավոր ճանապարհի երթևեկելի մաս դուրս գալը։
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը:
Հարգելի վարորդներ, կոչ ենք անում խստորեն հետևել ինչպես ճանապարհային նշաններին, այնպես էլ գծանշումներին:
Հիշեք, որ ավտոմեքենան մեծ ռիսկայնություն պարունակող տեխնիկական միջոց է և աննշան շեղումն ու խախտումը կարող է առաջացնել ողբերգական հետևանքներ։
Հիշեցում ենք, որ առանց ճանապարհային երթևեկության կանոնները պահպանելու, հանդիպակաց երթևեկելի գոտի դուրս գալը հղի է անկանխատեսելի հետևանքներով և կարող է ստեղծել վթարային իրավիճակ:
Մի վտանգեք ինչպես Ձեր, այնպես էլ երթևեկության մյուս մասնակիցների կյանքն ու առողջությունը: