ԿԱՅՔԻ ՔԱՐՏԵԶ
ԹԵԺ ԳԻԾ
21.06.2019 12:07
ՃԱՆԱՊԱՐՀԱՏՐԱՆՍՊՈՐՏԱՅԻՆ ՊԱՏԱՀԱՐ
Հունիսի 19-ին ժամը 23:50-ի սահմաններում Հադրութի շրջանի Հակակու գյուղի 1990թ.-ին ծնված բնակիչ Աշոտ Արտեմյանը Հադրութ-Ստեփանակերտ ավտոճանապարհի 16-րդ կիլոմետրին վարելով մայրաքաղաքի բնակիչ, 1960թ.-ին ծնված Գագիկ Գևորգյանի անվամբ հաշվառված «ՎԱԶ-21074» 90 օօ 486 ավտոմեքենան, նշված ճանապարհահատվածում ձախ շրջադարձ կատարելու ժամանակ, դուրս է եկել երթևեկելի մասից աջ և կողաշրջվել, ինչի հետևանքով ստացած մարմնական վնասվածքներով ներկայացվել է Հադրութի շրջբուժմիավորում։
Նախնական տվյալներով պատահարի պատճառ է հանդիսացել Աշոտ Արտեմյանի կողմից տրանսպորտային միջոցներ վարելու իրավունքի վկայականի բացակայությունը։
Ստուգումներով զբաղվում է ոստիկանության Հադրութի շրջանային բաժինը: