ԿԱՅՔԻ ՔԱՐՏԵԶ
ԹԵԺ ԳԻԾ
01.10.2019 11:53
ՀՀ և ԱՀ ոստիկանության ծառայողների համատեղ գործունեության արդյունքում գողության դեպքեր են բացահայտվել
Սեպտեմբերի 27-ին հաղորդվել էր մայրաքաղաքի Իսակովի փողոցի թիվ 1/26, Հեքիմյան 6բ և Մելիքավան 18 հասցեներում տեղակայված ավտոլվացման կետերի դրամարկղներից գողություն կատարելու մասին:
ԱՀ ոստիկանության Ստեփանակերտ քաղաքի վարչության ծառայողները՝ ԱՀ ոստիկանության քրեական հետախուզության վարչության, ՀՀ ոստիկանության Կոտայքի մարզային վարչության Կոտայքի բաժնի հետ համատեղ ձեռնարկված օպերատիվ հետախուզական միջոցառումների արդյունքում պարզել են, որ նշված գողությունները կատարել են Կոտայքի մարզի բնակիչներ՝1994թ.ծնված է. Հ.-ն, 1994թ.ծնված է. Խ.-ն և ոմն Սաշիկը:
Է. Հ.-ն և է. Խ.-ն բերման են ենթարկվել ԱՀ ոստիկանության Ստեփանակերտ քաղաքի վարչություն, իսկ ոմն Սաշիկի ինքնությունը պարզելու շուրջ ձեռնարկվում են համապատասխասն միջոցառումներ:
Վնասի չափը պարզվում է։
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը։