ԿԱՅՔԻ ՔԱՐՏԵԶ
ԹԵԺ ԳԻԾ
23.07.2018 12:18
Հավաքներ անցկացնելուն կամ դրանց մասնակցելուն խոչընդոտելը
Հուլիսի 21-ին Ստեփանակերտ քաղաքի բնակիչ 1984թ. ծնված Հ. Խ-ն (ԱՀ ԱԺ պատգամավոր) դիմում է ներկայացրել ոստիկանության Ստեփանակերտի քաղաքային վարչություն այն մասին, որ հուլիսի 19-ին <<Շառլ Ազնավուրի>> անվան մշակույթի կենտրոնի բակում, քաղաքապետարանի կողմից թուլյատրված հավաքի ժամանակ, բանախոս` Տ. Գ-ի ելույթի ընթացքում նրան է մոտեցել մի կին և փորձել վերցնել բարձրախոսը: Հավաքի մասնակիցները դա թույլ չեն տվել: Կինը իրեն պահել է ագրեսիվ, հնչեցրել վիրավորական խոսքեր հավաքի բանախոսների և մասնակիցների հասցեին: Ինքը որպես հավաքի կազմակերպիչ դիմել է հավաքի կարգադրիչներ` 1975թ. ծնված Ա. Գ-ին և 1991թ. ծնված Ա. Մ-ին, ովքեր փորձել են հեռացնել կնոջը հավաքի վայրից, սակայն նա իրեն պահել է ագրեսիվ, հնչեցրել վիրավորական բառեր, ապտակել կարգադրիչ` Ա. Մ-ին՝ հրաժարվելով կատարել կարգադրիչների հավաքի վայրը լքելու պահանջը:
Պարզվել է, որ նշված կինը հանդիսանում է Ստեփանակերտ քաղաքի բնակչուհի 1973թ. ծնված Զ. Ա-ն, ով հավաքի ժամանակ ցանկացել է վերցնել բարձրախոսը և ելույթ ունենալ, ինչի արդյունքում վիճաբանություն է առաջացել նրա և կարգադրիչների միջև: